Túrkistanda shyǵarylady

Oblys ortalyǵyndaǵy «Turkistan» ındýstrıaldy aımaǵynda kúni keshe jıhaz sehy ashyldy. Jobanyń jalpy quny – 2,3 mlrd teńge, 50-ge jýyq jańa jumys orny qurylǵan. Zamanaýı tehnologııalarmen jabdyqtalǵan seh kúnine 600 dana jıhaz shyǵarýǵa qaýqarly. Atalǵan seh oblys mektepterin, balabaq­sha­laryn, sonymen birge, óńirde ashylyp jatqan ǵımarattardy tolyqtaı jıhaz­ben qamtýǵa úles qospaq.

Sondaı-aq «Túrkistan» ÁKK» AQ-y tarapynan «Turkistan» ındýstrıal­dy aımaǵyndaǵy Brownfield óndiristik ǵı­ma­ratyna ınvestorlar tartylyp, shulyq jáne shulyq buıymdaryn shyǵaratyn kásiporyn iske qosyldy. Qazaqstan men Qytaı ınvestorlarynyń birlesken jo­basynyń quny – 1 mlrd teńge. Ká­sip­oryn kúnine 32 myń jup shulyq shy­ǵarýǵa qaýqarly, 30 jumys orny ashylǵan. Oblys ákimdiginiń qoldaýymen ınvestorlarǵa arnaıy jer usynylǵan. О́ndiristik braýnfıld ǵımaratymen qam­tyl­ǵan. Investorlar shulyq fabrıkasy tolyq qýatyna jetken soń Túrkistanda kostıým shyǵaratyn jobasyn da júzege asyrmaq. Bul jobaǵa 2,8 mlrd teńge ınvestısııa salynady. Kúnine 500 kostıým tigiledi dep josparlanyp otyr.

Al Túrkistandaǵy «TURAN» arnaıy eko­nomıkalyq aımaǵynda sendvıch-panel shyǵaratyn jańa zaýyttyń kapsýlasy salyndy. Oǵan oblys ákimi Darhan Satybaldy men ınvestorlar qatysty. «Memleket basshysy Qasym-Jomart Kemelulynyń tapsyr­ma­syna sáıkes, oblysymyzdyń óńdeý óner­kásibin damytý úshin jáne qala turǵyndaryna jumys oryndaryn ashýǵa úlesin qosatyn «TURAN» arnaıy eko­no­mıkalyq aımaǵynda jańa zaýyt qurylysy bastalǵaly tur. «Panel Sistem KZT» kompanııasynyń jobasynyń iske qosylýy oblystyń áleýmettik-ekono­mı­kalyq damýyna tyń serpin berip, otandyq ónimdermen qamtamasyz etý kólemin arttyrýǵa jáne halyqtyń ál-aýqa­tyn kóterýge óz septigin tıgizedi. Atal­ǵan ónerkásipte óndiriletin sendvıch-panelder keleshekte óńirdegi iske asyrylatyn jobalardyń qurylysyna qoldanylady», dedi Darhan Satybaldy. Bul jobanyń ınvestısııalyq quny – 1,54 mlrd teńge, 30-dan astam jańa jumys orny ashylady. Atalǵan zaýyttyń jyldyq qýattylyǵy – 250 myń sharshy metr. Onda sendvıch-panelder, gofr­lengen qańyltyrlar, metall plıtkalar jáne ózge de qurylysqa qajetti zattar shyǵarylady dep josparlanǵan. Búginde zaýyt salynatyn jer telimi bólinip, tıisti jumystar bastalyp ketken. «Panel Sistem KZT» kompanııasynyń bul jobasy bıyl júzege asady.

Oblysta sút klasterin iske asyrý maq­satynda jańa óndiris oryndaryn salý «Túrkistan» ÁKK» AQ tarapynan birneshe aýqymdy joba qolǵa alyn­ǵan. Sonyń biri – quny 3,3 mlrd teńge bolatyn Saýran aýdanyndaǵy taýarly-sút fermasyn salý jobasy. Maquldanǵan qarajatqa taýarly-sút fermasynyń jabdyqtary Túrkııadan ákelinip jatyr. Al Danııadan iri qara satyp alý josparlanǵan. Qazirgi ýa­qyt­ta qurylys alańyna qajetti metall konstrýksııalardyń 80%-y jet­ki­zildi. Sút-taýar fermasyn jem-shóp­pen qamtamasyz etý maqsatynda kásiporyn 1 322 gektar sýarmaly egistik alqabyna jońyshqa, júgeri, bıdaı daqyldaryn egýdi josparlap otyr. Sonymen qatar ferma aýmaǵynda 80 gektar jerde 2 jańbyrlatyp sýarý mashınalary ornatylýda. Kásiporyn qajetti aýylsharýashylyq tehnıkalarmen tolyq qamtylǵan. Al «Sultan Agro Group» JShS-nyń 600 bas sút-taýar fermasyn salý jobasynyń quny – 4,3 mlrd teńge. Qazirgi kezde qajetti jabdyqtar men tehnıkalar alynǵan. Joba bıyl mamyr aıynda iske qosylyp, jylyna 5000 tonna sút óndiredi, sondaı-aq 50 jumys orny ashylady.

Budan bólek oblysta «Bórte Mılka» JShS, ıaǵnı 403 basqa taýarly-sút fermasyn ulǵaıtý jobasy iske asyrylady. Jobanyń jalpy quny – 2,8 mrd teńge. Qazirgi ýaqytta fermanyń jańa ǵımaratynyń irgetasy aıaqtalýǵa jaqyn. Sondaı-aq jemshóp saqtaý qoımasynyń qurylysy júrgizilýde. Qora konstrýksııa­laryna qajetti qurylys materıaldary tolyq kólemde satyp alyndy. Ordabasy aýdanyndaǵy bul joba bıyl sáýir aıyn­da iske qosylady dep josparlanýda. Nátı­je­sinde, 35 jańa jumys orny ashylyp, jylyna 2 700 tonna sút óndirilmek.

Túrkistan oblysy