«Meniń ómirim» baǵdarlamasyna qonaq bolǵan óner ıesiniń sózinshe, ákesi konservatorııanyń sońǵy kýrsynda oqytýshymen sózge kelip qalyp, oqýdan shyǵyp ketken.
- Ol konsevatorııada 6 jyldaı oqyp, sońǵy kýrsynda ketip qalǵan. О́ıtkeni, bir jaǵdaı bolǵan - oqytýshymen urysyp qalǵan. Muǵalimi negizi óte jaqsy maman edi. Biraq minezi ashýshań bolǵan sııaqty. Sońǵy kýrs. Dıplomdyq jumys. Orfeı degen kompozıtordyń «Glıýk» degen operasy bar, dıplomdyq jumysyna sony taqyryp qylyp alǵan. Qyzý daıyndyq. Ol kezde ákem jas qoı. Bir jaǵynan jumys joq, áli sonshalyqty tanymal emes. Keıde tamaq ta ishpeı qalady. Sonda sol muǵalim urady eken. Sondaı ádeti bar, - dedi Birjan Hasanǵalıev.
Bul ádettiń qazirgi zamanǵa saı kelmeıtinin de atap ótken ol búgingi stýdentter ondaı minezi bar oqytýshyny sotqa da berýi múmkin ekenin jetkizdi.
- Bir ret qatty uryp jibergen. Ákem de shydamaı «Nege olaı isteısiz?» dep muǵalimniń qolynan uryp jibergen. Sol kezde ol kisi rektorǵa baryp «Ne meniń stýdentim ketedi nemese men ketemin» degen eken. Al sol kisiniń kúıeýi Sýkanov degen QazSSR-diń mádenıet mınıstriniń orynbasary bolǵan. Sol kisiniń jubaıy bolǵan ǵoı. Sodan oqýdan shyǵyp ketti, - dedi óner ıesi ákesi týraly.
Odan keıin Eskendir Hasanǵalıevti konservatorııaǵa qansha shaqyrsa da, sol namysyna tıgen oqıǵa 10-15 jyl boıy júreginde qalyp qoıypty.
- Sóıtip konservatorııany bitire almady. Keıin ál-Farabı atyndaǵy Shymkenttiń óner ınstıtýtynda bilim alyp, sony aıaqtady, - dedi Birjan Hasanǵalıev.
