Dástúrli mýzyka mamandyǵynyń stýdenti B.Feher alty tilde erkin sóıleıdi. Bir sózben ony polıglot dep aıtýǵa bolady. Ol Túrkistanǵa qobyz úırenýge kelipti. Elimizge kelgennen keıin qazaq tilin táp-táýir meńgerip alǵan. Onyń qobyzǵa qyzyǵýshylyǵy «Turan» etno-folklorlyq ansambliniń Majarstanda bolǵan konsertinen keıin oıanǵan.
«2014 jyly bizdiń elge «Turan» ansambli gastroldik saparmen keldi. Keremet konsert qoıdy. Sol konsertti kórip, qazaq ónerine ǵashyq boldym. Ásirese meni qobyzdyń úni erekshe tolqytty. Sodan bastap osy aspapty úırenýge den qoıdym. Úırený úshin atalǵan ansambldiń qobyzshysy Maqsat Medeýbekten onlaın sabaq aldym. Sóıtip, qobyzdy ájeptáýir meńgerdim. Qazir erkin oınaımyn. Endi ustazym Erasyl Qaýymbaevtan dombyra úırenip júrmin», dedi ol.
Aıta keteıik, Boglarka Feherdiń kompozıtorlyq qabileti de bar. Qobyzǵa arnap «Dala syry» atty kúı shyǵarǵan. Budan bólek majar tilinde jazǵan týyndylary da jetedi.
Dıdar ASYLHAN,
Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń 2-kýrs stýdenti
