Foto: primeminister.kz
Marat Qarabaev 1987 jylǵy 4 shildede dúnıege kelgen.
2008 jyly Tashkent avtomobıl-jol ınstıtýtyn ǵımarattar men qurylystar salý mamandyǵy boıynsha, 2010 jyly Ýorvık ýnıversıtetin (Ulybrıtanııa) óndiristik-júıelik ınjenerııa mamandyǵy boıynsha, 2015 jyly M.H. Dýlatı atyndaǵy Taraz memlekettik ýnıversıtetin ekonomıka mamandyǵy boıynsha támamdaǵan.
Eńbek jolyn 2011 jyly QR Aýyl sharýashylyǵy mınıstrligi Sý resýrstary komıtetiniń taǵylymdamadan ótýshisi, sarapshysy bolyp bastady.
2011 jylǵy tamyzdan 2013 jylǵy naýryzǵa deıin – QR Indýstrııa jáne jańa tehnologııalar mınıstrligi Tehnologııalar jáne energııa únemdeý departamentiniń sarapshysy, bas sarapshysy.
2013 jylǵy naýryzdan qarashaǵa deıin – QR Kólik jáne kommýnıkasııa mınıstrligi Tranzıt jáne kólik logıstıkacy departamenti Tranzıt saıasaty basqarmasynyń basshysy.
2013 jylǵy qarashadan 2014 jylǵy maýsymǵa deıin – OQO ákimdigi janyndaǵy «Maksımým» óńirlik ınvestısııalyq ortalyǵy» JShS basqarma tóraǵasynyń keńesshisi.
2014 jylǵy maýsymnan 2015 jylǵy qazanǵa deıin – Ońtústik Qazaqstan oblysy Kásipkerlik, ındýstrııalyq-ınnovasııalyq damý jáne týrızm basqarmasy basshysynyń orynbasary.
2015 jylǵy qarashadan 2017 jylǵy naýryzǵa deıin – Ońtústik Qazaqstan oblysy Kásipkerlik, ındýstrııalyq-ınnovasııalyq damý jáne týrızm basqarmasynyń basshysy.
2018 jylǵy mamyrdan 2020 jylǵy shildege deıin QR Indýstrııa jáne ınfraqurylymdyq damý mınıstrligi Qorǵanys ónerkásibi keshenin damytý departamentiniń dırektory, 2019 jylǵy maýsymda Departament fýnksııalary Sıfrlyq damý, qorǵanys jáne aeroǵarysh ónerkásibi mınıstrliginen berildi.
2020 jylǵy shildeden 2021 jylǵy shildege deıin – QR IIDM Indýstrııalyq damý komıtetiniń tóraǵasy.
2021 jylǵy shildeden 2023 jylǵy qańtarǵa deıin – QR Indýstrııa jáne ınfraqurylymdyq damý vıse-mınıstri.
QR Prezıdentiniń 2023 jylǵy 4 qańtardaǵy Jarlyǵymen QR Indýstrııa jáne ınfraqurylymdyq damý mınıstri bolyp taǵaıyndaldy.
2023 jylǵy 4 sáýirde QR Prezıdentiniń Jarlyǵymen Qazaqstan Respýblıkasynyń Indýstrııa jáne ınfraqurylymdyq damý mınıstri bolyp qaıta taǵaıyndaldy.
