Foto: olympic.kz
Byltyrǵy dúnıejúzilik doda dál osy ýaqytta Germanııanyń Oberhof qalasynda ótken edi. Atalǵan jarystyń jalpy esebinde Norvegııa quramasy ozdy. Olar 5 altyn, 5 kúmis jáne 3 qola medaldy oljalady. Ekinshi oryndy Shvesııanyń bıatlonshylary ıelendi. Qorjynynda 2 altyn, 2 qolasy bar Fransııanyń sportshylary úshinshi satyǵa jaıǵasty. Sondaı-aq júlde alǵandar qatarynda Germanııa (1 altyn, 2 kúmis), Italııa (1 altyn, 1 kúmis, 2 qola) jáne Aýstrııa (1 qola) quramalary bar.
Bıylǵy jarysta barlyǵy 12 júlde jıyntyǵy sarapqa salynady. Chehııada Qazaqstannyń týy astynda Galına Vıshnevskaıa-Sheporenko, Polına Egorova, Alına Skrıpkına, Olga Poltoranına, Áset Dúısenov, Nıkıta Akımov, Kırıll Baýer jáne Aleksandr Mýhın syndy sportshylar óner kórsetedi.
