Bitimgerler belesi

Osy 6 aı ýaqyttyń úsh aıy jaýyn­ger­lik daıarlyq baǵdarlamasy bo­ıynsha jáne úsh aıy bitimgershilik daıarlyq boıynsha ótti. Kontıngent jeke quramy aǵylshyn tili, kúsh qoldaný ere­jeleri boıynsha oqytylyp, ha­lyq­aralyq, gýmanıtarlyq zańnama nor­malaryn zerdeledi. Ofıserler men serjanttar bitimgershilik bazany kúzetýdi qamtamasyz etý, blokpost­tardy uıymdastyrý, patrýldeý, ja­rylǵysh qurylǵylardy zalalsyz­dandyrý, beıbit turǵyndarǵa kómek kórsetý jáne evakýa­sııalaý jónindegi min­detterdi tájirıbe júzinde py­syq­tady.

Sonymen birge soǵys qımyldaryn júrgizýdiń qaǵıdalary men erejelerin, quraldary men ádisterin, gýmanıtarlyq kómek pen beıbit turǵyndardy qor­ǵaý jol­daryn tereńnen zerttedi. Kon­tın­gent shtabynyń ofıserleri prak­tıkalyq daǵdylar men jedel úıle­sim­dilik deńgeıin arttyrý maqsatynda jedel-taktıkalyq deńgeıdegi bitimger­shilik bólimsheler (batalon, brıgada) úshin áskerı sheshimder qabyldaý bo­ıynsha sabaqtar ótkizdi.

Ulttyq áskerı kontıngentti orna­lastyrý aldynda bitimgershilik daıar­laý tolyq kólemde jáne BUU talap­tary men standarttaryna sáıkes júr­gizildi. Jalpy, kontıngenttiń jeke quramy dalalyq daǵdylaryn, mo­tıvasııa men daıyndyqtyń joǵary deńgeıin kórsetti.

Áskerı qyzmetshilerdi oqytýǵa orta­lyqtyń nusqaýshy quramy ǵana emes, sonymen qatar mınadan ta­zartý jáne áskerı medısına ortalyq­tary­nyń ókilderi de qatysty. «Kógildir tý» keshendi bitimgershilik oqý-jat­tyǵýy­nyń qorytyndysy boıynsha kon­tıngenttiń jeke quramy bitimger­shilik kúshter quramynda qoıylǵan min­detterdi oryndaýǵa «daıyn» degen baǵa aldy.

Kontıngenttiń daıyndyǵyn baǵa­laýdaǵy sheshýshi sát ótken jyldyń jeltoqsan aıynda Birikken Ulttar Uıy­my delegasııasynyń sapary bol­dy. Sarapshylar bitimgershilik ope­rasııalarǵa qatysýǵa josparlanǵan qa­zaqstandyq áskerı qyzmetshilerdiń materıaldyq-tehnıkalyq bazasynyń jaı-kúıin jáne daıyndyq deńgeıin jan-jaqty tekserdi. Bir apta ishinde bitimgerlerdi jaraqtandyrýǵa, tehnıkamen, qarý-jaraqpen, oq-dárilermen, zattaı, ınjenerlik, medısınalyq mú­likpen jáne RHB-qorǵanys qural­dary­men jabdyqtalýyna ınspeksııa júrgizildi. Bitimgershilik daıyndyq ádis­temesi men júıesine, aǵylshyn tilin meńgerý deńgeıine erekshe nazar aýdaryldy. Sondaı-aq BUU ınspektorlary bitimgerlerdiń ártúrli prak­tıkalyq mindetti oryndaý jáne kirispe tapsyrmalardy oryndaý ke­zin­degi úılesimdiligin tekserdi.

Aıta ketý kerek, bizdiń kontıngent BUU standarttaryna sáıkes keletin qarý-jaraq pen áskerı tehnıkanyń zamanaýı úlgilerimen jabdyqtalǵan. BUU sarapshylary da bitimgershilik kon­tıngenttiń jeke quramyn daıarlaý­dyń jáne nusqaýshynyń kásibıliginiń joǵary deńgeıin atap ótti.

О́tken jyldyń jeltoqsan aıynda jáne osy jyldyń qańtarynda QM Bitimgershilik operasııalar ortalyǵyna Senat pen Májilis depýtattary kelip, onyń qyzmetimen, sondaı-aq bitim­gerlerdi daıarlaý úderisimen jáne ás­ke­rı qyzmetshilerdi qarý-jaraqpen, ás­ke­rı tehnıkamen jáne múlikpen ja­raq­tandyrý barysymen tanysty.

Qazaqstan bitimgerleriniń BUU mıs­­sııalary­na qatysý tarıhyna qys­qasha toqtalyp ótsek, eń al­ǵash­ ret 2007-2009 jyldary Nepal mem­leketindegi bitimgershilik mıssııa­sy­na qatysqan bolatyn. Odan soń 2014 jyldan bastap Batys Saha­ra­daǵy, 2018 jyldan beri Lıvan Res­pýb­lıkasyndaǵy, 2022 jyldan beri Ortalyq Afrıka Respýblıkasyndaǵy, 2023 jyldan Kongo Demokratııalyq Respýblıkasyndaǵy mıssııalarǵa jyl­ saıyn qatysyp keledi. Onyń ara­synda 2015-2017 jyldary Kot-d'Ivýar jáne 2022-2023 jyldary Malı Res­pýb­lı­kasynda da bizdiń bitimgerlerimiz óz mindetterin sátti oryndap shyqty. Jalpy, osy 16 jyl ishinde 600-den astam áskerı qyzmetshimiz Birikken Ulttar Uıymynyń bitimgershilik mıssııalaryna qatysqan.

Al bıyl elimizdiń bitimgershilik qyzmeti tarıhynda tuńǵysh ret ulttyq kontıngent BUU bitimgershilik operasııasyna óz betinshe qatysady. Bul bizdiń beıbitshilik pen qaýipsizdikti qamtamasyz etýge qosqan eleýli úlesimiz bolmaq.