«Jalpy, ótken jyly ekonomıkamyz 5,1 paıyzǵa ósti. Eń bastysy, elimizdiń damý qarqyny báseńdegen joq. Aldyńǵy Úkimet osy baǵytta biraz jumys istedi. Keshe men burynǵy Premer-mınıstr Álıhan Smaıylovqa alǵysymdy bildirdim. Biraq qazir jaıbaraqat otyrýǵa bolmaıdy, sebebi aldymyzda aýqymdy jumys tur. Sondyqtan Úkimettiń jumysyna jańa serpin berý qajet», dedi Prezıdent.
Smaıylov Úkimetiniń qanshalyqty tıimdi bolǵanyna tarıh óz baǵasyn beredi. Endi kelgen Úkimettiń aldynda qandaı mindetter tur? Prezıdenttiń qoıǵan mejesi boıynsha, aldymyzda 2029 jylǵa qaraı ekonomıkamyzdyń kólemin 450 mlrd dollarǵa jetkizý, ishki jalpy ónimniń jyl saıynǵy ósimin keminde 6 paıyzǵa ósirý mindeti tur. Byltyr 5 paıyzdan asty. Sondaı-aq makroekonomıkalyq kórsetkishtermen qatar, halyqtyń naqty tabysy da qarqyndy túrde artýy kerek.
Tabys ataýly tabys jáne naqty tabys bolyp bólinedi. Ataýly tabystyń óskeninen halyqtyń jaǵdaıy jaqsarmaıdy. О́tken jyly siz tabysyńyzǵa qansha taýarlar men qyzmetterdi paıdalana alatyn edińiz, bıyl sol taýarlar men qyzmetterdiń kólemi ósip jatyr ma? О́spegen kúnniń ózinde, eń bolmasa, saqtalyp qaldy ma? Álde keri ketip jatyr ma? Osy suraqtar mańyzdy.
Jańa Úkimettiń ekonomıkalyq baǵdarlamasy halyqtyń ál-aýqatyn jaqsartý degen sózdermen bastalyp, naqty isterge ulasýy qajet. Sóz ben sandardy ádemi qylyp kórsetetin Úkimet bizge qajet emes, naqty ispen jumys kórsetetin Úkimet qajet.
Iаǵnı bıýrokratııany toqtatý, naqty nátıjege qol jetkizý kerek. Úkimet pen ákimder jumys isteý tásilin túbegeıli ózgertýge tıis. Halyqpen kommýnıkasııalyq baılanys joǵary dárejede júrgizilgeni jón. Máseleni jedel sheshýmen qatar, ekonomıkanyń uzaqmerzimdi damýyn qamtamasyz etý óte mańyzdy.
Sonymen qatar Úkimet otyrysynda aıtylǵan agrarlyq-kredıttik korporasııanyń áleýetin kúsheıtý jáne oǵan aýyl sharýashylyǵyn sýbsıdııalaý jónindegi ákimdikterdiń fýnksııalaryn berý qajettigi – oryndy ıdeıa. Ol úshin bir sıfrlyq platforma aıasynda AО́K sýbektilerin jeńildetilgen kredıtteý jáne sýbsıdııalaý qyzmetterin biriktirý qajet.
Maqsat Halyq,
ekonomıst
