Onyń paıymynsha, qazirgi tańda jemqorlyǵy joq sala kemde kem. Bala dúnıege kelgennen bastap, qaıtys bolǵanǵa deıin sybaılastyqqa kezigedi.
- Mysaly, Almatyda óle qalatyn bolsa, taýdyń, Keńsaıdyń mańaıynan jer izdeıdi. Bala dúnıege kelse, jaqsy dáriger, perzenthana izdeıdi. Bala ár kezeńde balabaqsha, mektep, ýnıversıtetke barady. Odan keıin úılenip, otbasy bolǵanda, úı kerek. Úıdiń kezegi keledi. Osylardyń barlyǵynan bólek, jumysqa ornalasý kerek. Ásirese maǵan Qyzylorda men Shymkentten hat kóp keledi. Jaı ǵana eden jýýshy bolyp ornalasý úshin 500 myń teńge suraıdy. Muǵalimderdiń stavkasy 1-1,5 mln teńge bolyp ketken. Osyndaı hattar kelgende, Antıkorǵa habarlasyńyz dep 1424 nómirin beremin»,– dedi Dáýlet Muqaev.
Depýtat osy jeliniń jumysyndaǵy algorıtmi qandaı ekenin surady.
- Jemqorlarǵa qatysty habar bergenderge syıaqy beriledi. Osy jaıly da aıtyp berińizshi. Jemqorlyqpen halyq bolyp kúreseıik, - dedi Muqaev Antıkor ókili Saıan Ahmetjanovqa.
- 1424 jelisi táýlik boıy isteıdi. Tikeleı qylmystar men táýekelderge baılanysty habarlamalar da osyǵan kiredi. Ár qalada departamentte kúndelikti qabyldaý júrgizilip jatyr, - dedi Saıan Ahmetjanov.
