Sýretti túsirgen – Erlan OMAR, «EQ»
Elimizdiń áleýmettik-ekonomıkalyq damýy jolynda búgingi kúni kezek kúttirmeı sheshimin tabýǵa tıis máselelerdiń biri – aýyl sharýashylyǵy salasy. Keńeıtilgen otyrysta Memleket basshysy aýylsharýashylyq ónimderin óndirýmen aınalysatyn fermerlerdiń talap-tilekterin oryndaý, olarǵa baılanysty qarjy máselesin túbegeıli sheshý, memleketten bólinetin sýbsıdııalardy retteý jáne sharýalarǵa tolyq jetkizý, agrosalaǵa ınvestorlardy kóptep tartý máselelerin atap ótti.
Memleket basshysy agrokeshenniń damýyna tek memlekettik bıýdjet qarajaty emes ózge de qarjy kózderin tabý, sonymen qatar ekinshi deńgeıdegi bankter arqyly da jumystar júrgizý kerektigine nazar aýdardy. Kóktemgi egis jumystary men kúzgi dándi daqyldar men kókónisterdi jınaý jumystaryna beriletin jeńildetilgen nesıeni 1,5 trln teńgege deıin jetkizý qajet, al ınvestısııalyq jobalardy 800 mlrd tengeden asyrý kerektigin basa aıtty.
Sol sııaqty aýylsharýashylyq tehnıkalaryn jetildirý men damytýǵa jeńildetilgen lızıngti jyl saıyn 450 mlrd teńgege deıin kóterý kezek kúttirmes másele ekeni de Úkimet aldyna shyǵaryldy.
Erbolat SAÝRYQOV,
Májilis depýtaty
