Foto: pixabay
The Telegraph basylymynyń jazýynsha, búgin, tórt jyldan keıin Koreı Halyq Demokratııalyq Respýblıkasyna kirýge ruqsat alǵan alǵashqy týrıster - Reseı Federasııasynyń azamattary. Arnaıy týrıstik vıza alǵan reseılikter Soltústik Koreıa aýmaǵynda tórt kún bolady.
KHDR-ǵa baǵyttalǵan týrdy reseılik týroperatorlar satady. Iаǵnı, reseılik týrıster Vladıvostoktan Phenıanǵa jáne Soltústik Koreıanyń Masıkrıong taý shańǵysy kýrortyna bara alady. Taý bókterindegi belsendi demalysty ádemi peızajdarmen úılestirýge bolady. Jol júrý quny - bir adamǵa 750 dollar (337,3 myń teńge). Bul somaǵa bes juldyzdy qonaqúıde eki tún jáne tórt juldyzdy qonaqúıde bir tún túneý kiredi.
Reseı Federasııasynan KHDR-ǵa mundaı týrlar turaqty bola ma, álde bul bir rettik oqıǵa ma, túsiný qıyn, biraq tórt jyl boıy sheteldikterden tolyǵymen oqshaýlanǵan el úshin bul úlken qadamnyń biri. Degenmen, Soltústik Koreıaǵa kez kelgen adamdy kigize bermeıdi - onyń shekaralary batys elderinen kelgen týrıster úshin jabyq kúıinde qalady.
Eske salaıyq, Soltústik Koreıa koronavırýstyń taralýyn boldyrmaý úshin 2020 jyldyń basynda týrıster úshin shekarasyn tolyqtaı jaýyp tastady. Sol sátten bastap sheteldikterdiń KHDR-ǵa kirý múmkindigi shekteýli bolǵan.
