Depýtattar birinshi oqylymda «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýsııasynyń normalaryna sáıkes keltirý máseleleri boıynsha ózgerister me tolyqtyrýlar engizý týraly» zań jobasyn qaraıdy. Qujat memlekettik qyzmet salasyndaǵy zańnamany konstıtýsııalyq normalarǵa sáıkestendirý maqsatymen ázirlengen.
Ekinshi oqylymda Parlament depýtattary bastamashy bolǵan halyqtyń kóshi-qony salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly zań jobasy usynylady. Onda kámeletke tolmaǵandardyń jynystyq tıispeýshiligine qarsy qylmystary úshin sottalǵan sheteldikterge elimizge kirýdi jáne eldiń azamattyǵyn alýdy shekteý usynylady. Sonymen qatar ekstremıstik nemese terrorıstik áreketke qatysy bar sheteldikterdiń elge kirýine tyıym salynady.
Aldaǵy jalpy otyrysta Qazaqstan men Túrkııa úkimetteri arasyndaǵy halyqaralyq quramdastyrylǵan júk tasymaldary týraly kelisimdi ratıfıkasııalaý týraly zań jobasy da qaralady.
Májilis komıtetteri qaýipsiz eńbek jaǵdaılaryn jetildirý jáne jumyskerlerdiń eńbek quqyqtaryn qorǵaý máseleleri, sondaı-aq janýarlarǵa jaýapkershilikpen qaraý týraly jańa zań jobalaryn jumysqa alady.
