Foto: Ulttyq sport qaýymdastyǵy
Atalǵan el birinshiligi búrkit, qarshyǵa, ıtelgi qusbegileri arasynda ótti Jeńimpazdar tizimin Qusbegilik federasııasy Facebook paraqshasynda jarııalady.
Búrkitshilerden 1 oryndy Atyraý turǵyny Sarmat Abdýlkárimuly jeńip alsa, 2 oryndy almatylyq Seıitjan Aıan enshilep, 3 orynǵa taǵy bir atyraýlyq Arman Kýshkarov ıe boldy.
Qarshyǵashylar saıysynda bas júldeni túrkistandyq Ibragım Bazarbaev, 2-3 oryndardy Almaty oblysynyń qusbegileri Murat Kodekov pen Saǵynysh Baıetbaı qanjyǵasyna bókterdi.
Itelgishilerden qaraǵandylyq Tańat Ospanqulov bas júlde aldy. 2 oryndy pavlodarlyq Ermek Imanzaıyp ıelendi. Al 3 oryndy Túrkistan turǵyny Dáýren Arshabaı jáne qaraǵandydyq Temiráli Tólegenuly ózara bólisti.
El birinshiligine 12 oblystan 59 búrkit, 14 qarshyǵa, 21 ıtelgi ákelinip, tirkeýden 61 búrkit, 21 qarshyǵa, 14 ıtelgi ótti. 10 oblys pen 2 qaladan 100-ge jýyq qusbeginiń qatysýymen ótken atalǵan chempıonatta jeńimpazdar arnaıy kýbok, dıplom, medal jáne qarjylaı syılyqtarmen marapattaldy.
Aıta ketsek, ulttyq sporttyń bul túri aldaǵy qyrkúıekte Astanada ótetin 5-shi Dúnıejúzilik kóshpendiler oıynynyń sport baǵdarlamasyna engen.
