Belgili baspadan shyqqan kitaptyń avtorlary – matematıka jáne kompıýterlik modeldeý kafedrasynyń aǵa oqytýshysy Berik Tóleýov jáne aqparattyq qaýipsizdik júıeleri kafedrasy dosentiniń mindetin atqarýshy Ádemi Ospanova. EUÝ ǵalymdarynyń eńbeginde álemdik tehnıkalyq ádebıetterde buǵan deıin aıtylmaǵan biregeı jańa málimetter keltirilgen. Jańa basylym Windows júıesinde C/C++ kompılıatorlaryn jyldam jáne tıimdi ornatý joldaryn sıpattaıdy.
«C/C++ kompılıatorlaryn ornatý ádette kóp ýaqytty alady, óıtkeni adamdardyń basym kópshiligi Microsoft Visual Studio baǵdarlamasyn paıdalanady. Visual Studio baǵdarlamasyn ornatý ádette shamamen 40 GB dıskilik keńistikti jáne kóp jedel jadty qajet etedi. Sondyqtan ony ónimdiligi tómen deńgeıli jabdyqta iske qosý múmkin emes. Endi biz Microsoft C/C++ kompılıatoryn qoldanýdyń qarapaıym ádisin usynamyz. Onyń barysynda dıskilik keńistikpen másele týyndamaıdy, sondaı-aq, apparattyq resýrstardyń jetispeýshiligi bolmaıdy. Bul ádis ýaqytty aıtarlyqtaı únemdeıdi, óıtkeni baǵdarlamalyq jasaqtamany, tipti flesh-dıskiler sııaqty alynbaly qurylǵylarda ońaı jáne portatıvti túrde ornalastyrýǵa bolady», deıdi EUÝ matematıkalyq jáne kompıýterlik modeldeý kafedrasynyń aǵa oqytýshysy Berik Tóleýov.
EUÝ eńbegi C++ tilin meńgerýge ýaqyty men kúsh-jigerin únemdegisi keletin jáne baǵdarlamalyq jasaqtamany ornatýmen tanysýǵa qyzyǵýshylyq tanytatyn barlyq paıdalanýshylarǵa arnalǵan. Qazir kitapty stýdentter de, oqytýshylar da paıdalanady.
Atap ótken jón, Springer – jaratylystaný ǵylymdary boıynsha akademııalyq jýrnaldar men kitaptar shyǵarýǵa mamandanǵan halyqaralyq baspa kompanııasy. Qazir kompanııada búkil álem boıynsha 2900 jýrnal jáne 300 000 kitap bar.
