Kitap oqý – bos ýaqytty qyzyqty ótkizý ǵana emes, tulǵa bolyp qalyptasýǵa orasan kómegi tıetin óte paıdaly is. Atalǵan is-sharaǵa qoǵam qaıratkerleri, ǵalymdar, muǵalimder men kitaphanashylar qatysyp, kitap oqýdyń mańyzdylyǵy jóninde oı bólisti. Kórkem shyǵarma oqýdan básekege elimizdiń túkpir-túkpirinen 3 500 ustaz qatysty. Solardyń arasynan on roman boıynsha on esse jazyp, úzdikter qataryna ilikken 50 ustaz Astanaǵa shaqyrylyp, marapattaldy. Máselen, olar I kezeń boıynsha D.Isabekovtiń «Gaýhar tas» povesin, Sh.Murtazanyń «Aı men Aısha» romanyn, Á.Nurshaıyqovtyń «Aqıqat pen ańyz» romanyn, I.Týrgenevtiń «Ákeler men balalar» romanyn jáne Sh.Aıtmatovtyń «Qosh bol, Gúlsary!» povesin oqyǵan. Qatysýshylarǵa ár kitaptan 2 suraq berilip, onyń árqaısysyna kemi 200 sózden turatyn esse arqyly jaýap bergen.
Baıqaýdyń II kezeńinde qatysýshylar B.Soqpaqbaevtyń «Balalyq shaqqa saıahat», M.Áýezovtiń «Qıly zaman», B.Maılınniń «Kúlpásh», A.Sent-Ekzıýperıdiń «Kishkentaı shahzada», O.Balzaktyń «Jergilikti dárigeri» sııaqty shyǵarmalaryn oqyǵan. Bul kitaptardyń bári «Qasym» baspasynyń ónimi ekenin atap ótken jón.
Bir jylǵa sozylǵan baıqaý nátıjesinde 3 500 qatysýshynyń arasynan 50 ustaz «Úzdik oqyrman» dep tanylsa, 12 qatysýshy III oryn, 6 qatysýshy II oryn ıelenip, 2 qatysýshy I orynǵa laıyq dep tanylyp, dıplomdar men aqshalaı syıaqy jeńip aldy. Munan bólek 30 qatysýshyǵa yntalandyrý syılyǵy men qarjylaı syıaqy tapsyryldy.
