Qara qurlyqtyń ár qıyrynan jınalǵan 24 eldiń aıaqdop sheberleri alty topqa bólinip, ózara kúsh synasty. Solardyń arasynan sýyrylyp shyqqandary pleı-off básekelerine qatysty. Ýaqyt oza myqtylar men osaldardyń arajigi ajyrady. Jartylaı fınalda Nıgerııa men OAR biraz tiresti. 65 jáne 90-mınýttarda olar penaltıdi alma-kezek sátti oryndady – 1:1. Qosymsha ýaqytta esep ózgergen joq. Sodan keıin «fýtbol lotereıasyna» júginýge týra keldi. Bul rette nıgerııalyqtardyń baǵy jandy – 4:2. Kelesi match Kot-d’Ivýar men Kongo arasynda ótti. Bul básekeniń taǵdyryn 65-mınýtta Sebasten Alle soqqan jalǵyz dop sheshti – 1:0.
Abıdjanda Nıgerııa men Kot-d’Ivýar bas júldeni sarapqa saldy. Bul tartys alań ıeleriniń paıdasyna sheshildi. 21-mınýtta qonaqtar qorǵaýshysy Ýılıam Troost-Ekong esep ashsa, 62 jáne 81-mınýttarda Frank Kessı men Sebasten Alle eki golmen jaýap qaıyrdy – 1:2. Al qola medal úshin básekede OAR-dyń oıynshylary Kongony penaltıden utty – 6:5.
