Máselen, bıylǵy kiristiń 50% – 695 mln AQSh dollaryna jýyqtaǵan. Sondyqtan baǵdarlamaǵa qatysýshy 6 mln 900 myńnan astam balaǵa 100 dollar 52 sent aýdarylǵan. Ony balalar kámeletke tolǵanda tek bilim alýǵa jáne turǵyn úıge ǵana qoldana alady. Al bıyl 18 jasqa tolatyn 300 myńnan astam balaǵa aqsha zeınetaqy qoryna túsedi.
"Habar" agenttigine jaýaptylardyń aıtýynsha, barlyq qazaqstandyq balalarǵa aqsha aýdarylǵan. Biraq azamattyǵy joq nemese durys kórsetilmegen bolsa, ata-anasy nemese zańdy ókili kóshi-qon qyzmetine júginýi tıis. Jeke basyn kýálandyratyn JSN joq bolsa, turǵylyqty jeri boıynsha Memlekettik korporasııaǵa barý kerek.
- 2024 jylǵy 1 qańtardan bastap baǵdarlamanyń qatysýshylary retinde 2006 jyldyń birinshi qańtarynan bastap 2023 jyldyń 31 jeltoqsanynan deıin týǵan Qazaqstan Respýblıkasynyń azamattary bolyp esepteletin balalar tirkeldi. Kelesi jyldary týǵan balalar da avtomatty túrde baǵdarlamanyń qatysýshysy bolady. Biryńǵaı jınaqtaýshy zeınetaqy qory jyl saıyn memlekettik derekter qorynan aqparat alyp, osy balalardyń derekterin júrgizip otyrady, - deıdi «BJZQ» AQ basqarýshy dırektory Murat Sháripov.
