Qoǵam • 12 Aqpan, 2024

Alımentten qashqan áke

250 ret

kórsetildi

1 mın

oqý úshin

Qoǵamda ajyrasý oqıǵalarynyń kóbeıýimen alıment tóleýshiler qatary da artyp keledi. «Alıment tóleýge mindettiler» degen durys shyǵar. О́ıtkeni mindetti bolǵanymen, olardyń bári birdeı «tóleýshi» emes. Sondyqtan prokýratýra qyzmetkerleri alımentten qashqandardy anyqtap, zań aıasynda kúshtep tólettirýge májbúr.

Eskendir ZULQARNAI

Jergilikti atqarýshy organdarmen jáne sot oryndaýshylarynyń birlesken jumysy arqasynda Almaty qalalyq prokýratýrasy byltyr myńnan astam jumyssyz alıment tóleýshini anyqtap, esepke aldy. Jumyssyz bolǵandyqtan, alımentti de tólemeı júrgeni belgili. Olardyń 657-si jumysqa turǵyzyldy.

Degenmen, shyn máninde, bulardyń bárin birdeı jumyssyz deý qıyn. Sebebi kóbi «Iаndeks.GO» qosymshasy arqyly jolaýshy tasymaldaý qyzmetimen aınalysyp, jasyryn tabys taýyp júr. Prokýratýra organdary alımentten qashqan osyndaı 150-den astam boryshkerdi anyqtady.

2023 jyly 14 boryshkerge qatysty qylmystyq ister tirkelip, olardyń ishinen 5 boryshker qylmystyq jaýapkershilikke tartyldy. Qazirgi tańda sotqa deıingi tergep-tekserý organdarynyń óndirisinde 9 qylmystyq is bar.

Sonymen qatar alıment óndirý boıynsha sot sheshimin oryndamaǵan 112 boryshker Ákimshilik quqyq buzýshylyq týraly kodekstiń 669-babymen ákimshilik jaýapkershilikke tartyldy.

Jalpy, Almaty prokýratýrasynyń muryndyq bolýymen 2023 jylǵy 16 myń bala tıesili 2,5 mlrd teńgeden astam alıment boıynsha qaryzdar tólendi. Bul baǵytta jumystar jalǵasa beredi.