Foto: Astana qalasynyń ákimdigi
Osy oraıda Astana ákimdigi qalanyń kommýnaldyq qyzmetteri 1,1 mln tekshe metrden astam qar shyǵarǵanyn habarlady.
Bas qalada birneshe kún boıy qalyń qar jaýyp, boran soqty. Aýa raıynyń kúrt ózgerýine baılanysty joldar men trotýarlar muzǵa aınaldy. Kommýnaldyq qyzmetter táýlik boıy kúsheıtilgen rejımde jumys istep júr, dálirek aıtqanda qar kúrep, joldar men trotýarlardy muzdan tazartyp jatyr.
Máselen, ótken túnde kommýnaldyq qyzmetter elordadan 38 myń tekshe metr, ıaǵnı 2,7 myńnan astam aýyr júk kóligine teń qar shyǵardy.
Tańerteń qala boıynsha qar tazalaý jumysyna 2,4 myńnan astam jol jumysshysy men 1,5 myńǵa jýyq arnaıy tehnıka jumyldyryldy.
Jalpy qys mezgili bastalǵannan beri qala syrtyndaǵy qar polıgondaryna 325,7 myń reıs arqyly 4,4 mln tekshe metrden astam qar shyǵaryldy.
