Foto: sayasat.kz
«Orta derjavalar» sanatyna álemdik arenadaǵy saıası jáne ekonomıkalyq mańyzdy memleketter enedi. Bul tizimnen Qazaqstan bıyl alǵash ret tabyldy. «Orta derjavalar» sanatynda Túrkııa, Izraıl jáne Úndistan syndy memleketter de bar.
Bul uıymnyń Germanııa úkimetimen jáne parlamentimen áriptestigin eskere otyryp, Eýropalyq odaq elderiniń Ortalyq Azııadaǵy Qazaqstanǵa kóbirek nazar aýdaratynyn boljaýǵa bolady.
Uıymnyń Qazaqstandy «Orta derjavalar» sanatyna qosýyna eldegi syrtqy saıasat, turaqty damý, energetıka men naqty sheshimder áser etken.
«Ǵylym jáne saıasat qorynyń» maqalasy eýropalyqtarǵa ózgeris týraly sıgnal beredi: endi olar buryn strategııalyq qashyqta bolǵan eldermen de sanasýǵa májbúr bolady, áıtse de olarmen seriktestikte bolý ekonomıkalyq jáne saıası jaǵynan tıimdi. Eýropalyq Odaq elderiniń aqparattyq kún tártibinde Qazaqstan jańa ekonomıkalyq jáne saıası áriptes retinde ǵana emes, ınvestısııalar úshin alań retinde de jıi tanylatynyn aıtýǵa bolady. Onyń kirispesi Prezıdent Q.Toqaevtyń shet memleketterge saparlary aıasynda bastalyp ta ketti.
Osylaısha, 2023 jylǵy jumys saparlary keıbir eýropalyqtardyń sanasynda Qazaqstannyń ıdeologııalyq kózqarastardan tys óz múddelerin senimdi qorǵaıtyn jáne dıplomatııa óneri qajet bolǵan jerde jaýapkershilikti óz moınyna alýǵa daıyn egemen el retindegi beınesin bekitip úlgerdi», dep jazdy aqparattyq portal.
