Búginde Qaraǵandy qalasy ákimdiginiń aqyndarǵa degen qamqorlyǵy erek bolyp tur. Poezııa keshteriniń birinen soń biriniń dúrkirep ótýine shahar bıliginiń sharapaty zor. Osy bir ádebı-sazdy keshti uıymdastyrýǵa da Qazaqstan Jazýshylar odaǵynyń oblystyq fılıalyna qoldaý kórsetti.
Ádebı-sazdy keshtiń shymyldyǵyn Sáken teatrynyń akterleri túrdi. Aqyn únin ańsap kelgen kórermen Muqaǵalıdyń dáýirine sapar shekti. Muzbalaq aqynnyń óleńderi oqyldy, ánderi de óziniń sánimen tebirene oryndaldy.
Poezııa keshinde Abaı atyndaǵy Memlekettik syılyqtyń ıegeri Serik Aqsuńqaruly, Qoılybaı Asanov, Qaırat Asqar, Ilııas Muqaı, Erǵanat Keńesbekuly, Saltanat Smaǵultegi, Sultan Dáýlethan, Aınur Japparqulova sekildi aqyndar jyrdan shashý shashty. Sondaı-aq Erik Naryn, Ádilet Shopen, Kámshat Hasen, Erkebulan Eleýsizuly syndy jas býyn da kórermendi tánti etti.
Budan soń kópshilik stýdent jastardyń ónerin tamashalady.
Mine, osylaı ár býyndy jeke-jeke toptastyryp, sahnaǵa shyǵarý arqyly uıymdastyrýshylar Qaraǵandynyń ádebı ortasyn kórsetti.
Erekshe formattaǵy ádebı-sazdy keshke oblys ákiminiń orynbasary Erlan Qusaıyn qatysty.
Qaraǵandy oblysy
