Atalǵan jarys 17-21 aqpan aralyǵynda Túrkııanyń Bılek qalasyndaǵy «Tıtanık Delıýks» stadıonynda uıymdastyrylady. Júlde qory 100 mln teńgeni quraıtyn týrnırde Shymkenttiń «Ordabasy», Qostanaıdyń «Tobyl», Semeıdiń «Elimaı» jáne «Aqtóbe» klýbtary sheberlik baıqasady. Bas júlde alǵan komanda 60 mln-dy oljalasa, fınalda utylǵan ujym 40 mln-dy enshileıdi.
El chempıony «Ordabasy» men Birinshi lıganyń jeńimpazy «Elimaı» arasyndaǵy kezdesý týrnırdiń shymyldyǵyn ashady. Odan keıin premer-lıganyń qola júldegeri «Aqtóbe» Qazaqstan kýboginiń ıegeri «Tobylmen» kúsh synasady. Jartylaı fınal 17 aqpanda Astana ýaqyty boıynsha saǵat 15.00-de ótse, fınaldyq saıysty sol kúni 20.00-de tamashalaımyz.
