EŃ-EŃ MYQTYLAR TANYLATYN MÝNDIAL

Keshe Iohannesbýrg qalasynda fýtboldan HIH álem chempıonaty jalaýyn kóterse, Astana ýa­qyty boıynsha keshki saǵat 20.00-de teńbil dop dodasynyń alǵashqy kezdesýi ótti. Jarystyń shymyldyǵyn A tobyna túsken OAR men Meksıka quramalary ashty. Jalpy, bıylǵy chempıonatqa kópshilik “juldyzdarsyz jarys” degen baǵa berse de, onyń qy­zyqty da tartymdy ótetinine jankúıerlerdiń kóbi senimdi. Bıylǵy chempıonatty “jul­dyz­­darsyz jarys” bolatynyn jo­ǵa­ryda aıttyq. Degenmen, ja­rys­qa Devıd Bekhem, Rıo Fer­dınand, Mıhael Ballak, Ronal­do men Ronaldınıý jáne basqa da aıaqdop sheberleri qa­tyspasa da Messı, Robıno, Torres, Inesta, Deký, Havı, t.b. bir-eki fýtbol­shy­nyń jasyndaı jar­qyl­daıtyny sózsiz. Endi sóz reti álem rekord­ta­ryna kelgende, myna málimet­terdi tanystyra ketsek, artyq et­pes dep oılaımyz. Búginde Bra­zılııa komandalar arasynda eń kóp álem chempıony atanǵan qu­rama atanyp otyr. Ol bas júl­deni bes ret jeńip aldy. Bul el­diń quramasyna qatysty aıtatyn taǵy bir nárse, Brazılııa sapyn­da ataqty Pele jalǵyz ózi ǵana úsh dúrkin álem chempıony atan­ǵan. Edson Arantes dý Nasımentý óziniń alǵashqy dobyn 1958 jyly Ýels qura­ma­syna 17 jasynda so­ǵypty. Al 5 kúnnen keıin het-trık jasaǵan eń jas fýtbolshy boldy. Taǵy 5 kún ótken soń, ol fınalda gol soqqan eń jas oı­ynshy atandy. Bul kezdesýde Brazılııa Shvesııadan 5:2 esebimen basym túskeni belgili. Al onyń otandasy Kafý mergen­dik sheber­ligimen emes, komanda sapynda eń kóp jeńiske jetken fýtbolshy boldy. Ol ózi ótkizgen oıyndar­dyń ishindegi 16 kezdesýde jeńiske jetti. Brazılııanyń Marıo Zagalo esimdi mamany fýtbolshy jáne bapker retinde úsh dúrkin chempıon atandy. Onyń jerlesi Lýı Fe­lıppe Skoları jattyq­tyr­ǵan Bra­­zılııa jáne Portý­ga­lııa ko­mandalary 11 kezdesýdi jeńispen aıaqtady. Germanııanyń burynǵy jarty­laı qorǵaýshysy Lotar Matteýs álem chempıonattarynda eń kóp oıyn ótkizgen fýtbolshy bolyp otyr. Ol 25 kezdesý ótkizgen. Al onyń otandasy Helmýt Shen bap­­ker retinde ulttyq quramany 25 ret alańǵa alyp shyqqan. Ita­lııanyń qorǵaýshysy Paolo Mal­­dını alańda eń uzaq ýaqyt ótkizgen fýtbolshy atanýda. Ol jasyl alańda barlyǵy 2 217 mı­nót boldy. Reseılik Oleg Salenko bir kezdesýde eń kóp dop soqqan fýtbolshy retinde tarıhta qaldy. Salenko 1994 jyly Kamerýn qaq­pasyna 5 dop soqty. Degenmen kez­­­desý 6:1 esebimen aıaqtalǵa­ny­men, Reseı 1/8 fınalǵa shyǵa almady. Álem chempıonatynda eń nátıjeli mýndıal 1998 jyly boldy. Sol kezde Fransııada ót­ken jarysta 171 dop soǵyldy. Al keshegi ótken alǵashqy oı­ynǵa kelsek, ol asa tartysty ótti. Kezdesýdiń alǵashqy bóliginde mek­sıkalyqtardyń azdaǵan aý­maqtyq basymdyǵy baıqalǵany­men, keıin kele alań ıeleri de aýyq-aýyq azý kórsetýmen boldy. Sóıtip oıynnyń ekinshi kezeginiń 54-inshi mınótinde esep ashyp, alǵa shyqqan edi. Biraq ońtús­tik­afrıkalyqtar jeńis dobyn ustap tura almady. Kezdesý aıaqtalýǵa shamamen 11 mınót qalǵanda mek­sıkalyqtar esepti teńestirip ketti. Dastan KENJALIN.