Onda qazaq tilshisi qytaı ultynyń ókilinen "jeńge" dep suhbat aldy.
Ol ózin tanystyrý kezinde ultynyń hanzý ekenin, biraq qazaq otbasyna kelin bolyp túskenin baıandaıdy.
- Qazaqsha atym – Jaýhar. Eki balam bar. Úlkenim Aıdana jıyrmaǵa, kishim Aıdyn on úshke tolady. Qazirgi kezde Quljadan shaıhana ashtym. Eń alǵashynda - on jyldaı buryn úkimetke jumys istedim. Aǵalaryń (kúıeýi) alty jyl buryn aýyr dertten qaıtys boldy, sol kezde qatty qınalǵan edim. Kúıeýim qaıtys bolardan buryn ózim Shanhaıǵa baryp júregime ota jasatqanmyn. Menen keıin kúıeýim eki jyl boıy aýyrdy, sol kezde em-domǵa qajet dep qaryzǵa kirip kettim. Aǵalaryńyz dúnıeden ótkennen keıin qaryzdar qysa bastady. Ony qaıtarý aýyr boldy, sondaı qıyn kezeńder boldy", - dedi Qytaıdaǵy qazaq kelini.
Ol búginde qaıyn jurtymen óte jaqsy aralasyp turatynyn atap ótti. Enesi, qaınysy, onyń otbasy kelip-ketip turady eken.
- Meniń súıegim qazaq bolmasa da, eki qazaq balanyń anasymyn. Kúıeýim qaıtys bolyp ketse de balalarym bar. Odan bólek, qazaqtardy da shynaıy jaqsy kóremin. Maǵan qazaq ultynyń salt-dástúri, mádenıeti qatty unaıdy, - dep aǵynan jaryldy Jaýhar.
