Kollajdardy jasaǵan – Almas MANAP, «EQ»
Taıap kele jatqan salyq kezeń qarsańynda qarjy naryǵy sarapshylarynyń ulttyq valıýta baǵamyna qatysty qysqamerzimdi kútýleri birshama jaqsarypty. Naýryz aıynyń basynda dollar men teńge baǵamy bir dollar úshin 455,0 teńge (1 aı buryn 457,4 teńge) belgisinde boljanady. Degenmen aldaǵy ýaqytta munaı baǵasynyń qubylýy, bazalyq mólsherlemeniń tómendeýine baılanysty teńge quraldarynyń tartymdylyǵynyń azaıýy, sondaı-aq ımport pen syrtqy borysh boıynsha tólemderdiń ósýi aıasynda ulttyq valıýtanyń bir dollar úshin 478,3 teńgege deıin álsireýi baıqalýy múmkin.
Al munaı baǵasy boıynsha kútý bir jyldan keıin nasharlap, qańtar aıyndaǵy 85,4 dollarǵa qarsy barreline 83,9 dollardy qurapty.
Sonymen qatar saýalnamaǵa qatysýshylardyń 83 paıyzy kelesi otyrysta bazalyq paıyzdyq mólsherleme tómendeıdi dep kútse, sonyń ishinde 67 paıyzy naqtyly 25 bazalyq tarmaqqa, ıaǵnı 15,25-ten 15,0 paıyzǵa deıin tómendeıdi dep kútip otyrǵanyn málimdegen.
«Syrtqy jaǵdaılardyń jaqsarýy jáne elde júrgizilip jatqan ınflıasııaǵa qarsy saıasat sarapshylardyń ınflıasııalyq kútýiniń aıtarlyqtaı jaqsarýyna yqpal etti. 12 aı ótkennen keıin jyldyq 12,5 paıyz bazalyq mólsherlememen ınflıasııa 8,8 paıyzdy (1 aı buryn 9,7 paıyz) quraýy múmkin», delinedi qaýymdastyq aqparatynda.
