Iske asyrylatyn jańa jobalar

Is-sharaǵa Kólik, Syrtqy ister, Qarjy mınıstrlikteriniń, «Kazakh Invest» UK AQ-nyń jáne bıznes-qaýymdastyq ókilderi qa­tysty. Kez­desý brainstorm for­ma­tynda ótti. Sóz kezeginde Kó­lik vıse-mınıstri Talǵat Lastaev al­daǵy birneshe jylda kólik ınfra­qu­rylymyna qatysty qo­ıyl­ǵan barlyq mindetti iske asyrý úshin, onyń ishinde tranzıttik qýat­tardy ul­ǵaıtýǵa shamamen 40 mlrd dollar qajet bolatynyn atap aıtty.

«Mınıstrlik kólik jáne logıs­tıka salasyndaǵy ınvestısııalyq jobalar pýlyn ulǵaıtý boıynsha ózektendirý jáne sharalar qabyldaý boıynsha jumys júrgizdi. Atap aıt­qan­da, ınvestısııalardy tartý jáne ınvestısııalyq jobalardy birneshe ese ulǵaıtý máseleleri bo­ıynsha jańa tásilderdi ázirleý maqsatynda jergilikti atqarýshy organdardyń, kólik jáne logıstıka salasyndaǵy memlekettik jáne jeke sektor kompanııalarynyń qa­ty­sýymen vedomstvonyń ınves­tı­sııalyq jobalaryn súıemeldeý jónindegi jumys tobynyń birinshi oty­rysy ótkizildi», dedi T.Lastaev.

Qazirgi ýaqytta mınıstrlik ótkiz­gen is-sharalardyń qorytyn­dy­sy boıynsha temirjol men teńiz kóligi, avıasııa jáne avtojol salalarynda jalpy somasy 31 mlrd dollardan astam ınvestısııalyq jobalar pýlyn qalyptastyrdy.

Sondaı-aq Ulttyq statıstıka bıýro­­synyń resmı derekterine sáıkes,  2023 jyldyń qorytyndysynda mınıstrliktiń jetekshilik etetin salalary boıynsha negizgi kapıtalǵa ınvestısııalar jospary 107,7 pa­ıyz­­ǵa oryndalyp, 2 233,6 mlrd teń­geni quraǵanyn atap ótken jón. So­ny­men birge eýropalyq ınvestorlardy tartý úshin otandyq kólik salasy delegasııasynyń Belgııaǵa, Nı­der­land­qa jáne Rýmynııaǵa jumys sapary uıymdastyryldy. Sapar barysynda mınıstrlik ókilderimen, halyqaralyq qarjy uıymdarymen jáne negizgi eýropalyq ınvestorlarmen kezdesýler ótkizilip, kólik salasyndaǵy yntymaqtastyq jónindegi birqatar qujatqa qol qoıyldy.