Salyq jáne bıýdjet kodeksterin jetildirý, ásirese, memlekettik satyp alý, memleket pen jekemenshik áriptestik týraly zańnamalarǵa jańasha sıpat berý kerektigin tapsyrdy.
Bizge Premer-mınıstr Oljas Bektenovtiń ile-shala Prezıdent tapsyrmalaryn júzege asyrý jóninde Úkimet múshelerine naqty merzimi kórsetilgen tıisti tapsyrmalar bergeni erekshe unady. Aıtalyq, óziniń birinshi orynbasary R.Sklıardan munaı-gaz, kómir, hımııa, metaldy tereń óńdeý, mashına jasaý syndy salalarymen aınalysatyn alpaýyttardan 4-5-satylardaǵy ónim óndirýge baılanysty jospar, jobalaryn jasaýdy talap etti. Sol sııaqty aýyl sharýashylyǵy ónimderin óńdeý týraly da aıtyldy. Ulan-ǵaıyr dalamyz, qazba baılyǵymyz, egin, mal sharýashylyǵymyz bola tura sony uqsata almaı otyrǵanymyz bıik minberden ashyq aıtyldy jáne sol kemshilikti joıý jóninde baǵyt belgilengeni baıqaldy. О́nim óndirmeı órkendeý bolmaıtyny bıliktiń eń joǵary deńgeıinde moıyndaldy dep sanaımyn.
Jańa ónimder shyǵarýǵa ǵylymı da, óndiristik te qýatymyz jetkilikti. Kózdelgen maqsat júzege asyrylatyn bolsa, qosymsha jumys oryndaryn ashyp, qazynany tolyqtyra túsetini aıtpasa da túsinikti. Bul saıyp kelgende elimizdiń ekonomıkasyn kóteredi, halyqtyń ál-aýqatyn arttyrady.
Prezıdent Úkimettiń jańa basshysy týraly óte joǵary pikir bildirdi. Oljas Abaıulynyń sózi nyq, baǵyty aıqyn ekenin de baıqap qaldyq. Ári jas, ári bilimdi, ári batyl, eń bastysy, sózge ilikpegen azamat.
Prezıdenttiń Úkimettiń keńeıtilgen otyrysyndaǵy tapsyrmalary, jańa Premerdiń alǵashqy qadamdary keıingi kúnderi kópshiliktiń arasyndaǵy negizgi áńgime arqaýyna aınalǵanyna kýá bolyp júrmiz. Halyqtyń úmiti mol, senimi zor. Sol úmit aqtalsyn.
Tólegen BÚKIROV,
Qazaqstannyń qurmetti metallýrgi, «Qazaqmys» korporasııasy» JShS ardagerler keńesiniń tóraǵasy
