Ǵanı Beısembaev qarqyndy damyp jatqan eńbek naryǵy tehnıkalyq jáne kásiptik bilim berý júıesin transformasııalaýdy talap etetinin jetkizdi.
- Kolledjderdi túgendeý jáne profıldeý júrgiziledi. Beıindik salalyq klasterlerge sáıkes júrgiziledi: ońtústik – ónerkásip, HOREGA qyzmetteri; ortalyq jáne shyǵys – qurylys, mashına jasaý; soltústik – aýyl sharýashylyǵy jáne batys – munaı óndirý, qyzmet kórsetý jáne t.b. Bul akademııalyq jáne óndiristik bazalardy salalyq kolledjderge toptastyrýǵa múmkindik beredi. Az kontıngentteri bar aýyldyq kolledjderdi jetekshi kolledjdermen ıntegrasııalaý jalǵasady, - dedi mınıstr.
Sondaı-aq onyń aıtýynsha, oblys ekonomıkasynyń qajettigin eskere otyryp, salalyq quzyret ortalyqtarynyń jelisi keńeıtiledi. Olar stýdentterdiń praktıkalyq oqýyna, mamandardy qaıta daıarlaýyna jáne shaǵyn biliktilik alýyna negiz bolady.
- Tehnıkalyq jáne kásiptik bilim berý júıesin qarjylandyrýdyń ıkemdi modeli ázirlenip jatyr. Sondaı-aq Ulttyq biliktilik júıesiniń sıfrlyq platformasymen ıntegrasııalanǵan bilim berý baǵdarlamalarynyń ulttyq portfolıosy ázirlenedi", - dedi Ǵanı Beısembaev.
