Foto: Mádenıet jáne aqparat mınıstrligi
«Biz alǵash ret 8 tilde taratylatyn «Mádenıet» onlaın-portalyn iske qosamyz. Jańa portal arqyly mádenı qundylyqtarymyzdy el aýmaǵynda ǵana emes, shet el aýdıtorııasyna da nasıhat etýdi maqsat etip otyrmyz. Onyń negizgi mindeti – árbir qyzyǵýshy úıden shyqpaı, tól mádenıetimizdiń barlyq saı-salasyn aralaýǵa – mýzeı, kitaphana, teatr, ulttyq kıno, kórmeler, rýhanı qoryqtar, ulttyq mýzykanyń altyn qory men zamanaýı áýezdiń jańa úlgilerimen tanysýǵa jaǵdaı jasaý. Bundaı jobalar álemdik tájirıbede óz tıimdiligin baıaǵyda-aq kórsetken. Máselen, kúnine 50 myń adam kiretin «Lývr» mýzeıi onlaın keńistikte 10 mıllıon «vırtýaldy týrısterdi» qabyldaıdy», dedi mınıstr.
Atalǵan portalda Qazaqstannyń tarıhy men mádenıeti arab, aǵylshyn, qytaı, orys, túrik, fransýz, ıspan, túrik, qazaq tilderinde nasıhattalady.
Qazaqstan mádenıetiniń túrli salalaryna arnalǵan bólimderde talanttar, eldiń damý múmkindikteri, teatr qoıylymdary, kınoındýstrııa, murajaılar, kitaphanalar, muraǵattar, týrıstik oryndar, qolóner, sondaı-aq Qazaqstannyń sáýlet ónerindegi jetistikteri týraly aqparattar usynylady.
Álemdik qoǵamdastyq nazaryn Qazaqstannyń mádenı murasy men san qyryna aýdarý úshin bul saıtty ashý – mańyzdy qadam.
Atalǵan joba 2024 jyldyń 1 naýryzynda júzege asady.
