Foto: ru.sputnik.kz
Memleket basshysy Úkimettiń keńeıtilgen otyrysynda avtojol máselesine aıryqsha kóńil bóldi. «Jalpy, jol máselesine kelgende bir ǵana maqsat bolýǵa tıis. Respýblıkalyq nemese aımaqtyq jol bolsyn, elimizdegi joldyń barlyǵy sapaly bolýy kerek. Ázirge jaǵdaı máz emes», dep baǵa berdi Qasym-Jomart Toqaev.
Jaǵdaıy máz emes joldyń biri – joǵarydaǵy shekaraly aımaqqa jetkizetin «Almaty-Kegen-Túp» baǵytyndaǵy respýblıkalyq mańyzǵa ıe oıdym-oıdym joldan jolaýshy júıkesi túgili, tońqańdaǵan kóliktiń de temiri tozyp boldy. Temirdiń tozǵany bylaı tursyn, sapasyz jol talaıdyń taǵdyryn tas-talqan etip, dám-tuzyn taýysty. Taýly óńir turǵyndarynyń janaıqaıyna halyq qalaýlylary da qarap qalmaı, ózindik ún qosyp keledi.
Májilis depýtaty Janarbek Áshimjan Kólik mınıstri men Sybaılas jemqorlyqqa qarsy is-qımyl agenttik basshysyna joldaǵan depýtattyq saýalynda sapasy syn kótermeıtin joldyń búgingi ahýalyn atap aıtty. «Buǵan deıin de Memleket basshysy Qazaqstandaǵy joldardy «quraq kórpege» teńegen edi. Áli kúnge deıin jol salasynda salǵyrttyqtar az emes. «Jol azabyn júrgen biledi», osy oraıda sol azapty kúnderdi bastan keship jatqan Almaty oblysy Kegen, Narynqol, Uıǵyr aýdandaryndaǵy eldiń janaıqaıyn jetkizgim keledi. Buryn da aıtqanmyn, taǵy da aıtýǵa týra kelip tur. О́ıtkeni nátıje joq», degen májilismen sapasyz jol salyp, mıllıardtardy jelge ushyrǵan «QazAvtoJol» ulttyq kompanııasyn synǵa aldy.
Jolaýshylar tózimin taýysyp, syzdaýyqtaı solqyldatyp turǵan jol máselesine Memleket basshysynyń basa nazar aýdarýy, depýtattardyń qozǵaý salýy jyldar boıy janǵa batqan máselelerdiń túıinin tarqatýǵa, óńirimizdegi jol jaǵdaıynyń jaqsarýyna yqpaly tıer degen úmittemiz.
Sabyr DOSYMBEKOV,
Kegen aýdandyq ardagerler
keńesiniń tóraǵasy
Almaty oblysy
