Foto: primeminister.kz
Oljas Bektenov jeńimpazdardy arnaıy qabyldap, Prezıdenttiń alǵysyn jetkizdi. Premer-mınıstr jasóspirimder arasyndaǵy Olımpıadada el tarıhynda tuńǵysh altyn medal ıelengen Ilıa Mızernyhtyń jeńisin erekshe atap ótti.
«Sport – eldiń mártebesin bıiktetip, memlekettiń qýaty men ósip kele jatqan áleýetine degen adamdardyń senimin nyǵaıta túsetin mańyzdy faktor. El sizderdiń jeńisterińizdi maqtan tutady. О́zderińiz sııaqty erik-jigeri myqty jas sportshylardyń elimizdiń bolashaǵy ekenine kámil senemin. Jeńis jolynda qoldaý kórsetken tálimgerler men jattyqtyrýshylar erekshe alǵysqa laıyq. Búgingi baǵyndyrǵan bıik belester aldaǵy olımpıadalardaǵy jetistikterdiń bastaýy deýge bolady», dedi Oljas Bektenov.
Ilıa Mızernyhtyń jattyqtyrýshysy Qaırat Bıekenovke de alǵys hat tabystaldy. О́z kezeginde sportshy qoldaý bildirgen barsha qazaq jurtyna alǵys bildirdi.
«Altyn medal – meniń ǵana jeńisim emes, bul búkil komanda men jattyqtyrýshylar quramynyń jumysynyń nátıjesi. Elimizdiń Prezıdenti Qasym-Jomart Kemeluly Toqaevtyń quttyqtaýyn estip, tóbem kókke jetkendeı boldy. Ol maǵan jáne basqa Qazaqstan sportshylaryna da jańa jeńister tiledi. Bul bizdi odan ári shabyttandyra túsedi. Shalǵaıda júrsek te, biz úlken qoldaýdy sezindik, bul – bizdiń ortaq jeńisimiz! Alǵa, Qazaqstan!», dedi ol.
Sonymen qatar shaıbaly hokkeı boıynsha qola júlde oljalaǵan Arsenıı Kýchkovskıı, Nıkıta Kýlakov, Temirlan Aıboluly, Matveı Reshetko, Rasýl Tursynov, Jahanger Tileýhan, Taır Bıgarınov, Egor Kravchenko, Roman Mıchýrov, Ádilhan Sattar, Ánýar Ahmetjanov jáne komandany jattyqtyrýshy Ramazan Qaıdarovtyń da eńbekteri baǵalandy.
Aıta keteıik, Qazaqstan quramasy Kanvon olımpıadasynda álemniń 78 eli arasynda 20-shy oryndy ıelendi.
