Aýyl sharýashylyǵy vıse-mınıstri Azat Sultanov 2024 jylǵy maýsymnyń jalpy egis alqaby 23,9 mln ga bolatynyn aıtty, bul ótken jylmen salystyrǵanda 115,6 gektarǵa az. Bıdaı (-439,2 myń ga) men arpa (-129,5 myń ga) daqyldary qysqartylady. Maqta (-16 myń ga) jáne kúrish (-6,4 myń ga) sııaqty ylǵaldy kóp qajet etetin daqyldarǵa bólingen alqaptardyń qysqarýy kútilip otyr. Esesine, maıly (414,7 myń gektarǵa) jáne jemshóp daqyldaryn (96,4 myń gektarǵa) ulǵaıtý josparlanyp otyr. Aqmola oblysynda (-251,3 myń ga) bıdaı egis alqaptarynyń eń kóp kólemi qysqartylyp, maıly daqyldar egý maqsatynda ártaraptandyrylady. 2023 jylǵy 198 myń gektardan 2024 jyly 400 myń gektarǵa deıin. Qostanaı (+85 myń ga), Soltústik Qazaqstan (+65 myń ga), Abaı jáne Pavlodar (+11 myń ga) oblystarynda maıly daqyldardyń egis alqaby ulǵaıady.
Jalpy, 2024 jyly Qazaqstanda maıly daqyldarǵa arnalǵan eń úlken egis alqaptary SQO (751 myń ga), Qostanaı oblysynda (746 myń ga) jáne josparlardy eskere otyryp, Aqmola oblysynda bólinedi. ShQO-da 219 myń ga maıly daqyldar egiledi, bul 2023 jylmen salystyrǵanda 9 myń gektarǵa artyq.
«О́ńdeý kásiporyndarynyń qýaty men naryqtaǵy ahýaldy eskere otyryp, Almaty jáne Jetisý oblystaryndaǵy júgeri alqaptaryn 15 myń gektarǵa qysqartý boıynsha jumys júrgizý qajet dep sanaımyz. Dándi daqyldardy qysqartý esebinen joǵary paıda túsiretin negizgi daqyldar alqaptaryn ulǵaıtý qajet. Atap aıtqanda, bıyl maıly daqyldardy 3,2 mln gektarǵa deıin jetkizý kerek. Ákimdikterdiń ózderi sharýalardyń múmkindikteri men materıaldyq-tehnıkalyq bazanyń bolýyna qaraı qandaı maıly daqyldardy ekken durys ekenin anyqtaı alady», dedi A.Sultanov.
Keńeste jemshóp daqyldarynyń egisin ulǵaıtý máselesine erekshe nazar aýdaryldy. О́ńirlerde sút ónimderi óndirisin ulǵaıtý jáne mal sharýashylyǵyn damytý boıynsha júrgizilip jatqan jumystardy eskere otyryp, jemshóp bazasy qajet. Bıyl jemshóp daqyldaryn 96,4 myń gektarǵa ulǵaıtý josparlanyp otyr.
Sondaı-aq qant qyzylshasy sııaqty áleýmettik mańyzy bar daqyldardyń egis aýmaǵyn 13,3 myń gektarǵa ulǵaıtý josparlary atap ótildi, bul naǵyz kerekti daqyldardyń egis alqabyn 26,3 myń gektarǵa deıin jetkizýge múmkindik beredi.
Aıta ketý kerek, memleket qant qyzylshasyn óndirýshilerge jan-jaqty qoldaý kórsetedi: óńdeýge tapsyrǵan kezde olarǵa tonnasyna 25 myń teńgeden tólenedi. Sondaı-aq 2023 jylǵy 10 jeltoqsannan bastap qyzylsha ósirýshilerdiń arnaıy tehnıkany satyp alýy kezinde ótemaqy normatıvi 50%-ǵa deıin ulǵaıtyldy.
Qazaqstandyq sharýalardyń tyńaıtqyshtardy paıdalanýyn ulǵaıtý jáne osy saladaǵy sybaılas jemqorlyq táýekelderin barynsha azaıtý úshin qazirgi ýaqytta avanstyq sýbsıdııalaý tetigi pysyqtalyp jatyr.
«AShM AО́K salasyndaǵy memlekettik saıasatty júrgizý aıasyndaǵy ındıkatıvterdi belgileı otyryp, óńirler men Úkimet arasyndaǵy ózara is-qımyl mádenıetin ózgertetini týraly qańtar aıyndaǵy Úkimet otyrysynda aıtylǵan. Oblystardyń erekshelikterin eskere otyryp, bizge birge oryndaý kerek ındıkatorlardy eseptep, jiberip otyramyz. Egis alqaptaryn ártaraptandyrý jónindegi jumys 5 jyl júrgizilip, óńirlerdiń jaýapkershiliginde bolýǵa tıis – elge qajetti daqyldar óndirisin qoldaý úshin bıýdjetterden qarajat bólý múmkindigin pysyqtap, ony sapaly oryndaý kerek», dedi S.Jumanǵarın.
