Depýtattarǵa áıelderdiń quqyqtary men balalardyń qaýipsizdigin qamtamasyz etý máselelerine qatysty zań jobasyn birinshi oqylymda talqylaý usynylady. Qujat Májilis depýtattarynyń bastamasymen Memleket basshysynyń otbasylyq jáne turmystyq salalardaǵy zorlyq-zombylyqty qylmystyq jaýapkershilikke tartý jáne kámeletke tolmaǵandarǵa qatysty zorlyq-zombylyqtyń kez kelgen túri úshin jazany qatańdatý týraly tapsyrmasyn oryndaý maqsatymen ázirlendi.
Sonymen qatar aqparatqa qol jetkizý jáne qoǵamdyq qatysý máseleleri boıynsha zań jobasy da birinshi oqylymda qaralady. Bul múgedektigi bar adamdardyń aqparatqa qol jetkizýin qamtamasyz etý tetikteri men quraldaryn bekitedi jáne aqparatqa qol jetkizýdi qamtamasyz etý salasyndaǵy memlekettik baqylaýdy kúsheıtedi.
Sondaı-aq Májilis komıtetteri keıbir zańnamalyq aktilerge olardy Konstıtýsııa normalaryna sáıkes keltirý týraly jáne quqyq qorǵaý qyzmeti týraly zań jobalaryn jumysqa qabyldaıdy.
