Ishki ister mınıstrligi áriptesterimen jumys ornynda týǵan kúnin nemese qyzmet boıynsha joǵarylaýdy atap ótkende dastarhanǵa alkogol qoısa, aıyppul tóleıdi nemese ákimshilik qamaýǵa alynatynyn málimdedi.
Qoǵamdyq oryndarda ishimdik ishý ákimshilik quqyq buzýshylyq bolyp sanalady. Al jumys isteıtin uıymdar men kásiporyndardyń kópshiligi - qoǵamdyq oryndar.
IIM bergen aqparatqa sáıkes, qoǵamdyq oryndarǵa bilim berý jáne densaýlyq saqtaý uıymdary, kitaphanalar men murajaılar, memlekettik organdardyń mekemeleri jatatynyn aıtty. Sonymen qatar Ákimshilik quqyq buzýshylyq týraly kodekstiń 440-babyna sáıkes, alkogoldik ishimdikti satýǵa ruqsat etilgen saýda jáne qoǵamdyq tamaqtaný uıymdarynan basqa jerlerde: kóshede jáne basqa da qoǵamdyq oryndarda ishse nemese mas bolsa, oǵan bes aılyq eseptik kórsetkish mólsherinde aıyppul salynady (2024 jyly 18 460 teńge).
Ákimshilik jaza qoldanylǵannan keıin bir jyl ishinde qaıtalansa, on aılyq eseptik kórsetkish mólsherinde aıyppul salynady (2024 jyly 36 920 teńge) nemese bes táýlikke deıingi merzimge ákimshilik qamaýǵa alynady.
- Osy bap boıynsha ákimshilik is qozǵaý úshin jeke nemese zańdy tulǵanyń ótinishi talap etilmeıdi, – dep naqtylady IIM.
