Bul surypty aqtóbelik zertteýshiler almatylyq áriptesterimen birge jasap shyqqan. Qııardyń jańa surpyn shyǵarý úshin ǵalymdar úsh jylǵa jýyq eńbek etken. Qudaıbergen Jubanov atyndaǵy Aqtóbe óńirlik ýnıversıtetiniń oqytýshylary almatylyq áriptesterimen birge kókónistiń bes túrli tuqymyn alyp, dalada jáne jylyjaıda keshendi tájirıbe ótkizdi. Nátıjesinde, aýa raıy kúrt qubylmaly aımaqtarda mol ónim beretin ósimdik tuqymyn aldy.
Bıologııa ǵylymdarynyń kandıdaty Álııa Bazarǵalıeva jańa surypty qoldaný aımaǵynyń aýqymdyǵyn atap: «Bul suryp Aqtóbe oblysyna ǵana jersindirilmegen. Almaty, Jambyl, Túrkistan, Aqtóbe oblystary jáne basqa da oblystardyń aýa raıyna ósirýge tolyǵymen bolatyn sorttyń qataryna jatady», dedi.
Ǵalymdar tuqymnyń sapasyna senimdi bolyp otyr. Sebebi topyraqqa túsken árbir dáni jerdi jaryp shyǵady eken. Soǵan saı ónimi de mol. Osyǵan qosa shybyn-shirkeısiz-aq tozańdanatyn qasıeti bar. О́simdikti suryptaý nátıjeli bolǵandyqtan, tıisti patent te berildi. Endigi mindet – sharýalarǵa tabystap, naryqqa jeterlikteı etip ósirý.
Aqtóbe oblystyq aýyl sharýashylyǵy jáne jer qatynastary basqarmasy basshysynyń orynbasary Asylhan Abtıev: «Biz ǵylymı zertteýden ótken tuqymdy iri alqaptarǵa sebýge daıynbyz. Jergilikti baǵbandar ashyq aspan astynda jáne jylyjaılarǵa egip, nátıjesin kórse, aqtóbelik ǵalymdar shyǵarǵan qııar tuqymyna suranys joǵary bolǵaly tur», dep senimin bildirdi.
