Foto: baq.kz
Bul sheshim – óte oryndy. О́ıtkeni jastarǵa ózgeristerdiń bastaýynda turýǵa tıis. Al reformalardy qaýyrt qolǵa alyp, júzege asyrýǵa belsene atsalyssa, tipti quba-qup.
Qazirdiń ózinde rezervtegi mamandar memlekettik qyzmet pen basqarý júıesine belsendi aralasyp keledi. Aıtalyq, búginde jumysqa qabyldaýdyń úsh tolqynynda 400 jas maman rezervke alyndy. Olar 20 myńnan astam úmitkerdiń arasynan irikteldi. 367 rezervshi ortalyq jáne jergilikti memlekettik organdarda jumys isteıdi, sonymen qatar saıası qyzmetter de atqarady.
Osy oraıda PJKR músheligi qandaı da bir artyqshylyqtar bermeıtinin este ustaýymyz kerek. Bul teńgerim memlekettik qyzmette belgili bir laýazymdy atqarýǵa úmitkerlerge qoıylatyn biliktilik talaptary júıesine baılanysty oryn alyp otyr. Kóbine talaptar tómengi laýazymdardaǵy nemese bıýdjettik uıymdardaǵy memlekettik qyzmettegi jumys ótiline qatysty. Bul talap jeke sektordan kadrlar tartýǵa kedergi bolyp otyr. Degenmen PJKR músheligi memlekettik qyzmettiń jekelegen sanattary men laýazymdaryna ózin usynýǵa quqyq beredi.
Eger jastyń kásiptik bilimi, ozyq biliktiligi jáne óz salasynda mol tájirıbesi bolsa, ony túrli deńgeıdegi memlekettik basqarý júıesine tartý oryndy. Mamandardy baǵalaýdyń bul tásili búkil álemde burynnan qoldanylyp keledi.
PJKR júıesi naqty máselelerdi sheshý úshin qajetti mamandardy tartýǵa múmkindik beredi. Qazirdiń ózinde Ońtústik Koreıadan ınvestorlar tartý, Qazaqstannyń týrıstik tartymdylyǵyn arttyrýda tabysty tájirıbe bar – munyń barlyǵyna naqty osy rezervshiler jumysynyń arqasynda qol jetkizildi.
Daryndy jas mamandarǵa arnalǵan kadrlyq rezerv jańa býyn kóshbasshylaryn qalyptastyratyn áleýmettik baspaldaq bola alady. Ázirge olardyń aldynda memlekettik basqarý júıesine ınnovasııalar engizý, memleket aldynda turǵan mindetterge qol jetkizý úshin tujyrymdamalyq jańa kózqaras pen dúnıetanymdy qalyptastyrý mindeti tur.
Ermek TOQTAROV,
Prezıdent janyndaǵy QSZI strategııalyq taldaý basqarmasynyń basshysy
