Foto: Májilis. Vıdeoskrın
Depýtat A.Saǵyndyqova óz sózinde atalǵan vedomstvo qıyn ahýaldaǵy otbasylardy qalaı anyqtaıtynyn, olarǵa qandaı qoldaý sharalary kózdelgenin surady.
Eńbek jáne halyqty áleýmettik qorǵaý mınıstrligi ókiliniń aıtýynsha, byltyr qabyldanǵan áleýmettik kodeks sheńberinde jańashyldyq engizildi, bul – otbasynyń sıfrlyq kartasy.
«Otbasynyń sıfrlyq kartasy qazirgi ýaqytta basqa da memlekettik organdardyń sıfrlyq júıelerimen biriktirilgen, sonyń arqasynda biz barlyq Qazaqstandaǵy otbasylardyń jaǵdaıy týraly, olardyń quramy týraly aqparatty alýǵa múmkindigimiz bar. Sonymen qatar byltyr mınıstrliktiń halyqtyń áleýmettik salaýattyǵyn aıqyndaý buıryǵy qabyldanǵan. Osy ádisteme negizinde Qazaqstandaǵy otbasylar 5 deńgeıge bólinip, olarǵa sáıkes qandaı memlekettik shara qoldanýdy aldyn ala bilip otyramyz. Búginde praktıka túrinde qyzmet kórsetýge múmkindik bar», dedi mınıstrlik ókili.
