Baıan jyrlary

Ertis-Baıan óńiriniń óleńsúıer qaýymy aıtysker aqynnyń erekshe shyǵarmashylyq keshine kýá boldy. Jańa kitap – 150-ge jýyq jeke-dara óleń-shýmaqtan turatyn bir­tutas portrettik poema. Munda osynshama tarıhı tul­ǵanyń, taý tulǵanyń beınesi óleńmen bederlengen. Avtor taý-tulǵalardy jyrlap qana qoımaı, ótkinshi ómirdiń qadirin bilýge úndep, jalǵan dúnıeniń máni – ata-babalardaı ultqa qyzmet etý, halyqqa paıda tıgizý ekenin uqtyra túsedi.

Kitaptyń taǵy bir ereksheligi – óleńge arqaý bolǵan ár tulǵanyń sýreti qosa berilgen. Sýretterdi salǵan – Qazaqstan Sýretshiler odaǵynyń múshesi Almas Syrǵabaev.

Aspanbek aqyn «Baıan. Men. Taýlar» kitabynda qazaqtyń qara óleńine tán kesteli tildi, oıly tirkesterdi molynan qoldanǵan.

Keshte Aspanbek aqyn Buqar jyraý Qalqa­man­ulyna, Máshhúr Júsip Kópeıulyna, Sultan­mah­mut Toraı­ǵyrulyna arnalǵan óleńderin, ǵazal­daryn oqydy. Al jyr kitabynyń tusaýyn Qazaqstannyń eńbek sińirgen qaıratkeri Dáý­letkereı Kápuly men Pav­lo­dar oblysy men Baıanaýyl aýdanynyń qurmetti aza­m­a­ty, kitap keıipkerleriniń biri – Murat Rahmetov kesti.

«Bul kitap – Aspanbektiń únemi izdenetininiń, talmaı eńbektenip, ár­qashan oı arqalap júretininiń dáleli», dep atap ótti Dáýlet­kereı Kápuly.

PAVLODAR