Sýretti túsirgen – Dmıtrıı Erofeev
Dúkende taýardyń túri kóp, sonyń ishinde turmystyq hımııa, sýsyn jáne basqa da áleýmettik mańyzy bar 18 túrli azyq-túlik ónimi naryqtaǵydan 15-20% tómen baǵada satylady. Mysaly, I sanattaǵy jumyrtqanyń ondyǵy – 445 teńgeden, 1 lıtr suıyq maı – 510 teńge, 1 kg kúrish – 340 teńge, 1 kg kartop – 110 teńge, 1 kg pııaz – 70 teńge, 1 kg sábiz – 140 teńge.
Nysannyń ashylýynda sóz sóılegen Taldyqorǵan qalasy ákiminiń orynbasary Rústem Bershimbekov áleýmettik dúkenderdiń ashylýy oblys ákimdiginiń bastamasymen, Taldyqorǵan qalasy ákimdigi men «Jetisý» áleýmettik-kásipkerlik korporasııanyń birlesip qolǵa alǵan is-sharasy ekenin atap ótti.
«Mundaǵy sórelerge taýarlar deldalsyz, óndirýshilerden qosymsha shyǵynsyz tikeleı jetkiziledi. Bul dúkenderdiń bári ÁKK-niń qarjylandyrýynda, sondyqtan olardyń taýary naryqtaǵydan tómen baǵada satylady», dedi R.Bershimbekov.
Osy dúkenderdiń jumysyna qatysty satyp alýshylar da óz pikirin bildirdi.
«Munda jarma, kókónis pen jumyrtqa alýǵa keldim. Shynynda da, naryqtaǵydan tómen baǵada eken. Dúken qolaıly jerde, aıaldamaǵa jaqyn ornalasqan. Aýdanymyzda egde jastaǵylar kóp turady. Endi bizge ortalyq bazarǵa jıi barýdyń qajeti bolmaıdy», dedi Gúlgúl Qanapııanova.
О́ńir ákiminiń baspasóz qyzmetiniń málimetinshe, oblysta «Jetisý» ÁKK-niń 6 áleýmettik núktesi bar. Onyń ishinde 2 áleýmettik dúken Taldyqorǵanda, biri Úshtóbe qalasynda ornalasqan. Sol sııaqty kommýnaldyq jáne áleýmettik bazarlar men «Kókbazar» saýda úıinde saýda núkteleri jumys isteıdi. ÁKK ókilderiniń aıtýynsha, jumys munymen toqtamaıdy. Oblys ákiminiń tapsyrmasyna sáıkes budan ári de oblys ortalyǵynyń halyq tyǵyz ornalasqan shaǵyn aýdandarynda osyndaı formattaǵy áleýmettik dúkender ashyla bermek.
Jetisý oblysy
