«Biz 2022 jylǵy qyrkúıekte QHR tóraǵasy Sı Szınpınniń Qazaqstanǵa sapary barysynda elderimizdiń basshylary bastaǵan yntymaqtastyǵymyzdyń jańa «altyn 30 jyldyǵynda» máńgilik jan-jaqty strategııalyq áriptestigimizdi odan ári nyǵaıtýǵa múddelimiz», dedi Májilis spıkeri. Ol sondaı-aq eki el arasyndaǵy parlamentaralyq jáne partııaaralyq yntymaqtastyqty nyǵaıtý máselesine mán berdi.
О́z kezeginde Tótenshe jáne ókiletti elshi Chjan Sıao Qazaqstan men Qytaı arasyndaǵy dıplomatııalyq qarym-qatynas ornaǵanyna 32 jyl tolǵanyn jáne qazirgi ýaqyttyń osy jyldar ishindegi jarqyn kezeńderdiń biri ekenin aıtty. Sonymen qatar Qazaqstandaǵy saıası jáne ekonomıkalyq reformalarǵa nazar aýdardy.
«Biz Prezıdent Qasym-Jomart Toqaevtyń aýqymdy ekonomıkalyq reformalar júrgizý jónindegi bastamalaryn tolyq qoldaımyz. Barlyq saladaǵy ózara tıimdi ekijaqty yntymaqtastyǵymyzdy tereńdetý jáne damytý da osy maqsattarǵa qol jetkizýge yqpal etedi dep oılaımyn», dedi elshi.
Taraptar ekonomıkalyq, saýda, gýmanıtarlyq baılanystardy nyǵaıtý jáne aldaǵy Qazaqstannyń Qytaıdaǵy týrızm jylyn ótkizý máselelerin talqylady.
