Kún tártibi naqtylandy

Talqylaýǵa depýtattar ázirle­gen ǵylym máseleleri boıynsha zań jobasyn qaraý usynylady. Qu­jat­ta jergilikti atqarýshy organ­dardyń ǵylym salasyndaǵy óki­let­tikterin keńeıtý, áleýmettik kepil­dikterdi ulǵaıtý jáne pedagogter men ǵylymı qyzmetkerler úshin qosymsha tólemder berý kózdeledi.

Ekinshi oqylymda májilis­mender baılanys, sıfrlandyrý jáne aqparattandyrý salasy­nyń ınvestısııalyq ahýalyn arttyrý máseleleri týraly zań joba­syn qaraıdy. Depýtattar basta­ma­shy bolǵan bul zań jobasy tele­k­om­mýnıkasııalyq ınfra­qury­lym­dy damytýǵa, qalalar men eldi meken­derdegi baılanystyń qoljetim­diligin qamtamasyz etýge jáne sapasyn jaqsartýǵa baǵyttalǵan.

Aldaǵy jalpy otyrysta Táýel­siz Memleketter Do­s­tas­­ty­­ǵy­na qatysýshy mem­le­k­et­­­ter­diń qoǵam­dyq densaýlyq saqtaý salasyn­da­ǵy sanıtarlyq-epıdemıologııalyq sıpattaǵy tótenshe jaǵdaılardyń aldyn alý jáne olarǵa den qoıý jónindegi yntymaqtastyǵy týraly kelisimderge, zııatkerlik menshik quqyqtarynyń saýda aspek­tileri, sondaı-aq О́zbek­stan­men odaqtastyq qatynastar týra­ly sharttarǵa qatysty ratıfıka­sııalyq zań jobalaryn talqylaý usynylady.

Sonymen qatar Májilis komıtetteri kólik quraldarynyń jeke­legen túrleriniń qozǵaly­syn uıymdastyrý jáne jol qaýip­sizdigin sıfrlandyrý, son­daı-aq týrıstik salany qoldaý máseleleri boıynsha jańa zań jobalaryn jumysqa alady.