Foto: Polisia.kz
2009 jyly er adam Pavlodar polısııasyna zaıybynyń joǵalyp ketkeni týraly habarlaǵan. Onyń aıtýynsha, áıeli dosyna ketip, úıine qaıtyp oralmaǵan. Joǵalǵan adam týraly habar Qazaqstan jáne kórshi memlekette tarap, izdeý jumystary júrgizilgen. Áıeldiń máıiti bir jyldan keıin kólden tabylǵan.
Genomdyq saraptama joǵalǵan pavlodarlyqtyń jeke basyn rastady, tergeý barysynda kisi óltirý faktisi boıynsha qylmystyq is qozǵaldy. Osy jyldar ishinde is boıynsha túrli is-sharalar ótkizildi, biraq qylmysty ashý múmkin bolmaǵan edi. Tergeý basshylyqtyń erekshe baqylaýynda boldy. Osy jyly jedel-izdestirý is-sharalarynyń nátıjesinde Pavlodar oblysynyń polısııasy kúdiktiniń izine tústi. Er adam janjaldasqanda ony tunshyqtyryp óltirgeni anyqtaldy, sodan keıin ol máıitti sýǵa batyrǵan.
– Onyń uzaq ýaqyt boıy asa aýyr qylmys jasaǵany úshin qamaýda bolǵany anyqtaldy. 2022 jyly shartty túrde merziminen buryn bosatylǵan. Qylmysker Astanada ustaldy. Qazirgi ýaqytta qylmystyq is qaıta qozǵaldy. Tergeý jalǵasyp jatyr, – dedi Pavlodar oblysy PD krımınaldyq polısııa bastyǵy Balǵabaı Qaparov.
