«Atameken» UKP deregine súıensek, aldaǵy tórt jylda kólik qurastyrý salasyna 7 myńnan astam bilikti maman qajet. Osy oraıda kólik qurastyrýdy damytýdyń 2024–2028 jyldarǵa arnalǵan keshendi josparynda dýaldy oqytýdy damytý boıynsha eýropalyq tájirıbeni zerdeleý, tehnıkalyq jáne kásiptik orta bilimnen keıingi bilim berýdi uıymdastyrýda ozyq tájirıbeni engizý jónindegi is-shara qarastyrylyp otyr. Elimizdegi tehnıkalyq oqý oryndarynyń kóshbasshysy Qanysh Sátbaev atyndaǵy Qazaq ulttyq tehnıkalyq zertteý ýnıversıteti bıyldan bastap dýaldy oqytý maqsatynda beıindi kadrlar isine basymdyq bere otyryp, jýyrda Kólik ınjenerııasy jáne logıstıka mektebiniń oqý ortalyǵyn «Hyundai Trans Kazakhstan» avtomobıl zaýytynan ashty.
Oqý ortalyǵyn qurý týraly kelisim ótken jyly tamyz aıynda kásiporyndar arasynda qol qoıylǵan memorandýmda qarastyrylǵan. Ýnıversıtet rektory Meıram Begentaevtyń aıtýynsha, Ǵylym jáne joǵary bilim mınıstrliginiń damý tujyrymdamasy aıasynda iske asqan bilim baǵdarlamalaryn óndirispen ushtastyrý stýdentterge kásibı tájirıbe jınaýǵa múmkindik beredi. О́ndiriske beıindi maman daıarlaý, birlesken zertteý júrgizýdi maqsat ete otyryp, avtomobıl zaýytynan ashylǵan Kólik ınjenerııasy jáne logıstıka mektebiniń oqý ortalyǵy jumysynyń nátıjesi aldaǵy ýaqytta ýnıversıtettiń oqý úderisine jáne óndiriske engizilmek. Buǵan qosa atalǵan mektepte oqytylatyn «Kólik ınjenerııasy», «Kólik qyzmetteri», «Sıfrlyq logıstıka» jáne basqa da bilim berý baǵdarlamalary bar. Aldaǵy ýaqytta «Energııa jáne elektrmen qamtamasyz etý», «Kólik avtomatıkasy jáne kólikti basqarý (avtomattandyrý)», «Kólik qurylysy» baǵyttary boıynsha baǵdarlamalar ashý kózdelgen.
Ýnıversıtet pen zaýyt arasyndaǵy baılanysty qamtamasyz etetin maman-konnektor «Kólik ınjenerııasy» bilim berý baǵdarlamasynyń basshysy Nurbol Qamzanovtyń aıtýynsha, kólik jáne logıstıka salasyna jańa býyn mamandaryn daıarlaý Memleket basshysynyń Joldaýyndaǵy kólik salasyn básekelestikke qabiletti etý basymdyqtarymen tyǵyz baılanysty. О́ndiristik tájirıbeniń kólik qurastyratyn zaýytta iske asýy dýaldy bilim baǵdarlamasynyń nátıjeli iske asýyna yqpal etedi. Kólik ınjenerııasy jáne logıstıka mektebiniń oqý ortalyǵy stýdentterdiń kólik salasyndaǵy teorııalyq bilimin tájirıbemen ushtastyrýǵa múmkindik beredi.
Kólik ınjenerııasy jáne logıstıka mektebi byltyr maýsym aıynda Sátbaev ýnıversıtetinde qurylǵan. «Mektep» dep atalý sebebi, shetelder jáne Nazarbaev ýnıversıteti tájirıbesindegideı «mehanıka mektebi», «bıologııa mektebi» sııaqty baǵytta jalǵasyn
tabady.
«Búgingi tańda kólik ınjenerııasy jáne logıstıka mektebiniń urany – óndiriske beıimdi mamandar daıarlaý. Osyǵan qol jetkizý úshin biz Fınlıandııa elinde tabysty júzege asqan oqý júıesiniń tájirıbesin qoldandyq. Osy tájirıbe negizinde qolǵa alynǵan oqytý baǵdarlamasy aıasynda oqý ornynyń stýdentteri óndiriste biliktiligin arttyrýmen qatar, tabys tabýyna da múmkindik bar. Bul 4-kýrs stýdentteri úshin qolaıly múmkindik. Mol tájirıbe jınaqtap, oqý ornyn bitirgennen keıin osy kásiporynda jumysyn jalǵastyra alady. Olarǵa dıplom alǵanǵa deıin aıyna 250 myń teńge jalaqy tólenedi. Taıaý ýaqytta atalǵan kompanııamen jasalǵan kelisimder negizinde kólik qurastyrý óndirisine joǵary deńgeıli ári kásibı beıindi mamandar daıarlanatyn bolady», deıdi Nurbol Qamzanov.
Memorandým aıasynda stýdentter ǵana emes, ýnıversıtettiń professor-oqytýshylar quramyn óndiristik taǵylymdamadan ótkizý kózdelgen.
ALMATY
