Qazaq mýzykasy – Vashıngtonda

Qazaqstan dıplomattary men Va­shıngtondaǵy halyqaralyq fortepıano óneri keńesiniń qol­daýymen AQSh-taǵy Qazaqstan el­shiliginde «Kóktem shýaǵy» klas­sıkalyq mýzyka keshi bolyp ótti.

Is-sharaǵa AQSh Memlekettik depar­tamentiniń, Vashıngtonnyń dıplo­matııalyq korpýsy men amerı­kalyq sarapshylar qaýym­das­tyǵynyń ókilderi, son­daı-aq mádenıet jáne óner qaı­rat­kerleri qatysty. Klassıkalyq shyǵarmalardy maestro, Va­shıng­ton klassıkalyq mýzyka qo­ǵa­my­nyń negizin qalaýshy, vırtýoz pıanıst Natalıa Kazarıan oryndady.

Konsert barysynda qonaqtarǵa belgili kompozıtor Naǵym Meń­diǵa­lıev­tiń «Dala» kompozısııasy oryndaldy. Kelgen qonaqtardy tánti etken elimiz­diń jarqyn týyndysymen qatar Iogann Sebastıan Bah, Lılı Býlanjer jáne Morıs Raveldiń klassıkalyq mýzykasy usynyldy.

Konserttik baǵdarlama aldynda sóz alǵan Qazaqstannyń AQSh-taǵy Tótenshe jáne ókiletti elshisi Erjan Ashyqbaev óner men mýzykanyń shekara tańdamaıtynyn ári berik qarym-qatynastardy nyǵaıtýǵa kómektesetinin erekshe atap ótti. Mý­zyka ártúrli mádenıet pen ult ókil­derin biriktire alatyn ámbebap til eke­nin de sóz etti.

– Qazaqstandy jaqsy kóremin. Meniń oıymsha, qazaq halqy – erekshe, keńpeıildi, aqkóńil, adal, shynshyl, ǵajap, eńbekke beıim halyq. «Qazaq halqyn erekshe qur­metteımin jáne ózimdi qa­zaq­­pyn dep esepteımin, – dedi Va­shıng­­tondaǵy dıplomatııalyq qoǵamdyq qarym-qatynastar uıy­my­nyń ókili Roda Septılıchı.

Atalǵan is-shara tek mýzyka merekesi ǵana emes, sonymen qatar Qazaqstan men AQSh halyqtary arasyndaǵy mádenı baılanysty nyǵaıtýdaǵy mańyzdy qadam ekeni sózsiz.