Kitaphana – oı men tanym ordasy

Kitaphanalardyń turaqty oqyr­mandarynyń sany 225 myń adamnan asty, al kelýshiler 3 mln adamnan artyq. Kitap qoryn qa­shyqtan paıdalanýshylar sany 2,8 mln adamǵa jetken. Osy má­limet­terdiń bárin oblystyń eń baıyrǵy, basty oı ordasy – Sábıt Muqanov atyndaǵy oblystyq ámbebap ǵylymı kitaphananyń (OÁǴK) dırektory Beıbitgúl Ábilmájinova óziniń jýrnalıs­terge bergen brıfınginde aıtty.

S.Muqanov atyndaǵy OÁǴK-degi ózindik jáne satyp alyn­ǵan QazUEK, Qazaqstan Zań­dary, Lıtres, Lan jáne t.b. elek­tron­dyq derekqorlary paı­da­la­nýshylardyń turaqty sura­ny­syna ıe eken. Saıttar, áleý­mettik jeliler jáne jergilikti BAQ, blogtıng (nemese blog júr­gizý úderisi) kitap pen oqýdy na­sı­hattaýdyń negizgi alańyna aı­nalǵan.

Bilmeıtin adamdar kitap­ha­nashylardyń jumysy kitap berý men qabyldaý ǵana dep túsinedi. Shyn máninde kitaphanashylar aqyn-jazýshylar, memleket jáne qoǵam qaıratkerleri, jalpy elge ortaq jáne jergilikti tarıhı tulǵalardyń mereıtoılaryna baılanysty túrli mádenı is-shara ótkizip turady. Byltyr oblys kitaphanalary 3 mln-nan artyq adam qatysqan sondaı 26 myńdaı is-shara ótkizgen.

Astanadaǵy Ulttyq kitap­hanada bolǵan kásibı konfe­ren­­sııada bizdiń oblys aýylda­ryndaǵy kitaphanalardyń basqa oblystarmen salystyrǵanda áleýmettik jelilerdegi belsendi jumysy atalyp ótken. Oblys kitaphanalarynda ólketaný sı­patyndaǵy 74 573 kitap sıfr­lyq formatqa kóshirilgen. Kitap­hanashylardyń kásibı sheber­likterin arttyrý úshin ádistemelik semınarlar, vebınarlar, trenıngter, sheberlik sabaqtary, oflaın rejimde konferensııalar jáne onlaın medıasaýattylyq, ЅMM, Mobılografııa kýrstary ótip turady. Aýyldyq kitap­ha­nashylar Mádenıet jáne aqpa­rat mınıstrligi men Ulttyq ki­tap­hana uıymdastyrǵan kon­kýrs­­tarǵa, forýmdarǵa qaty­syp, júldeli oryndar alyp jatyr. Mysaly, Ǵ.Músirepov aýda­ny­nyń Volodarovka aýyldyq kitap­hanasynyń kitaphanashysy Nı­kolaı Verbovskıı «Úzdik aýyl kitaphanashysy» respýblıkalyq konkýrsynyń jeńimpazy atandy.

Oblys kitaphanalarynda 57 kovorkıng ortalyǵy, 1 675 klýb, «áýesqoılar birlestikteri», 318 «Parasat joly» ortalyǵy, oblys boıynsha 395 ortalyq jumys isteıdi.

Beıbitgúl Maǵjanqyzy S.Mu­qanov atyndaǵy OÁǴK-de uzaq jyldan beri dırektor bolyp keledi. «Qazir kitaphanamyzdy óńirdegi eń kóne jáne eń iri ki­taphana retinde aqparattyń, bilim men mádenıettiń zamanaýı kópfýnksıonaldy alańyna aınaldyrdyq. Kitaphanamyzdyń kitap qory 700 myńnan asady, sonyń ishinde 215 myńnan astamy – memlekettik tilde. Qorymyz jyl saıyn 10 myń dana jańa kitappen, qujatpen to­lyq­­tyrylady. Tu­raqty oqyr­man­ymyzdyń sany – 45 685, al jyldyq kelýshiler sany bir mıllıon adamǵa taıaý. Re­sýrstarymyzdy saıt arqyly qa­shyqtan paıdalanýshylar sany 3 mln-nan asty. Kitaphanamyz kóptegen halyqaralyq, barlyq respýblıkalyq konkýrstarǵa qatysyp, birneshe ret jeńimpaz atandy. Máselen, 2014 jyly «Qa­zaqstannyń HHI ǵasyrdaǵy úz­dik kitaphanasy» ataǵyna ıe bol­dyq. 2018 jyldan beri «Rý­hanı qazyna» respýblıkalyq festıvaline qatysyp, onyń tu­raqty jeńimpazdary qatarynan kórinip kelemiz. «Úzdik aýyldyq kitaphana», «Úzdik aýdandyq kitaphana» atalymdary boıynsha M.Jumabaev aýdanyndaǵy Qaraqoǵa, Aqqaıyń aýdanyndaǵy ortalyq kitaphana jeńimpaz boldy. Sondaı-aq bizdiń OÁǴK respýblıkalyq kitaphanalar arasynda «Oqyrmany ozyq ólke» – «Lýchshıı chıtaıýshıı regıon» respýblıkalyq baıqaýynyń jeńimpazy boldy. Kórshiles Reseı elindegi «Kitaphanalar dos­tastyǵynyń bilim berý ynty­maqtastyǵy» (Máskeý q.) halyq­aralyq jobasyna jáne Tómengi Novgorodtaǵy «Reseı kitap­ha­nalar astanasy» konkýrstaryna qatystyq. Bizdiń kitaphana halyqaralyq qorlardyń 27 gran­tynyń ıegeri, sonyń ishinde múmkindigi shekteýli jandarǵa arnalǵan robottehnıka kabı­netin ashýǵa grant utyp aldyq. Kitap pen oqýdy nasıhattaý bo­ıynsha 44 joba júzege asyryldy. Sonyń ishinde «Týǵan jer», «SQO kitaphanalaryn jań­­ǵyrtý», «Soltústiktiń in­jý-marjany» onlaın-kartasy, «Bizdiń Maǵjan» portaly, «Kóshe, mobıldi kitaphanalar», «Smart-oryndyqtar», «Vıkı-Prııshıme» jáne t.b. jobalar bar. Halyqaralyq deńgeıde A.Pýshkın atyndaǵy Omby OÁǴK, A.Iýgov atyndaǵy Qorǵan OÁǴK, Chelıabi ǵylymı kitaphanasymen bir­lesip, «Shekaradaǵy kezdesýler» halyqaralyq jobasyn, Saha ulttyq kitaphanasymen (Iаkýtııa), Iаmal-nenes ulttyq kitap­hanasymen (IаNAO) «Onlaın shyǵarmashylyq kezdesýler» jobalaryn iske asyryp kelemiz», dedi Beıbitgúl Ábil­májinova.

Brıfıngke qatysqan Ǵ.Músi­repov atyndaǵy Soltústik Qa­zaqstan oblystyq balalar men jasóspirimder kitaphanasynyń dırektory Kógershin Berdiǵulova da ózderinde istelip jatqan jumystar jóninde baıandady. Bul kitaphananyń qory – 215 myń, sonyń qazaq tilindegisi 30 myńdaı eken. Turaqty oqyrmandar sany byltyr 16 myń adam bolǵan, al barlyq kelgender sany – 151 myń. «Byltyr Maǵjan Jumabaevtyń 130 jyl­dyǵyn merekeleýge ar­nalǵan bir­qatar is-shara ótkizildi. «Bir el – bir kitap» respýblıkalyq aksııasy aıasynda belgili jazýshy, Memlekettik syılyqtyń laýrea­ty, Eýropalyq Frans Kafka atyndaǵy altyn medal ıegeri Tólen Ábdiktiń shyǵarmalaryn nasıhattaý is-sharalaryn ót­kizdik. Al osy jyl balalar ja­zý­shy­laryna arnalǵan is-sha­ralarmen bas­taldy. Jerlesimiz Zeınel-Ǵabı Imanbaev pen balalar ádebıetiniń klassıgi Berdibek Soqpaqbaev aǵalarymyzdyń 100 jyldyǵyna arnalǵan birneshe is-shara ótti», dedi K.Berdiǵulova.

Kitaphana jumysynyń jar­qyrap-jandana túsýi halyq má­denıetiniń artýynyń kepili ekeni belgili. Mádenıetti adam bi­limge de qushtar bolady. «Artyq bilim – kitapta» dep danalarymyz tegin aıtpaǵan ǵoı. Sondyqtan da elimizdiń qıyr teristigindegi kitap­hana jumysynyń jandanýy  kóńilge qýanysh uıalatady.

Soltústik Qazaqstan oblysy