Kúresker aqyn murasy

Kórnekti aqyn, Qazaq­stan­nyń eńbek sińirgen qaırat­keri, Halyqaralyq «Alash» ádebı syılyǵynyń laýreaty Arman Qanıdyń týǵanyna 70 jyl tolyp otyr. Atalǵan mereıtoıǵa oraı Pavlodar oblysy ákimdiginiń qoldaýymen, oblystyq Mádenıet, arhıvter jáne qujattama basqarmasynyń uıymdastyrýymen «Tolqyn-tolqyn jyr týar bizden keıin» atty respýblıkalyq jyr mú­sháırasy bolyp ótti.

Osy is-sharaǵa aqyn, Abaı atyndaǵy Memlekettik syı­lyq­tyń laýreattary Serik Aq­suńqaruly, Ǵalym Jaılybaı, Májilis depýtaty Janarbek Áshim­jan syndy zııaly qaýym ókilderi qatysty. Qazaqstan ja­zý­shylar odaǵy Astana qa­lalyq fılıalynyń dırektory, aqyn Dáýletkereı Kápuly mo­deratorlyq etken keshte alǵash­qy sóz tizginin Pavlodar ob­lys­tyq Mádenıet, arhıvter jáne qujattama basqarmasynyń basshysy Medet Alpysbaıuly alyp, taǵylymdy jıyndy ashyp berdi.

«Arman aǵa – biz úshin tiri, aramyzda júrgen azamat. О́ıtkeni ǵalymnyń artynda qalǵan haty ólmeıtini aıqyn. Aqyndy eske alý maqsatynda jylda aımaqtyq músháıra ótip turady. Sizderge jáne osy is-sharany ót­kizýge uıytqy bolǵan Ult­tyq ki­taphana ujymyna myń alǵys», degen Medet myrza kitap­hana qo­­ryna Máshhúr-Júsip Kó­peı­­­ulynyń 10 tomdyǵyn tartý etti.

Sonymen qatar is-shara barysynda Arman Qanıdyń óleń­der jınaǵynyń tusaýy kesil­di. Jınaqqa demeýshilik ja­saǵan – Pavlodar oblystyq máslı­ha­tynyń depýtaty, kásip­ker Asyl­bek Týǵanbaıuly. Kitap­tyń tusaýkeserinde aqyndar Se­rik Aqsuńqaruly men Ǵa­lym Jaı­lybaı, Má­jilis de­pýtaty Janarbek Áshim­jan, aqynnyń jan jary Baqyt Ahanbaıqyzy  kitaptyń lentasyn qıdy.

«Armannyń orny men úshin bólek, ol – kúresker aqyn. Maǵ­jandardyń alpysynshy, jet­pisinshi jylǵa jetken jańǵyryǵy se­kildi. On bes jasynan jyr jazyp, azamattyǵymen tanylǵan, Ke­rekýde ádebı orta jasaǵan adam. Ana jurtynan qarasań – Jaıaý Musa, ata jurtynan qarasań – Mádı, mine, osyndaı eki tektiden týǵan aqyn. Arman Qanıdyń ekinshi ǵumyry endi bastaldy. Alash qalaı jasasa, Arman Qanı da solaı jasaı beredi», dedi aqyn Serik Aqsuńqaruly.

Sonymen qatar qalamdas dosy Ǵalym Jaılybaı aqynnyń bol­mys-bederi jóninde aıtyp ótti.

«Arman Qanı – qazaq úshin úlken uǵymǵa aınalǵan aza­mat. Tektilerdiń qanynan ja­ralǵan aqyn ar, namys, uıat degen uǵym­darmen ómir súrdi. Armanmen bizdi kóp dúnıe baılanystyrady. 2001 jyly aqynnyń bir ki­tabyna alǵysóz jazdym ári «Qa­zaq ádebıeti» gazetine «Kere­kýde Arman degen aqyn bar» atty ma­qalam shyqty. Solaısha Ar­manmen ómiriniń sońǵy kúnine deıin birge júrdik. Týǵan jerinde aqyn syıly bolyp ótti, qalamger inileriniń bári qurmet tutyp, jaqsy sózin aıaǵan joq», dedi ol.

 Budan soń «Tolqyn-tolqyn jyr týar bizden keıin» jyr músháırasynyń jeńimpazdaryn marapattaý saltanaty ótti. Jyr dodasyna Ǵalym Jaılybaı, Serik Aqsuńqaruly, Dáýletkereı Káp­uly, Jarqynbek Amantaı jáne Jumabek Smanov bastaǵan aıtý­ly aqyndar qazylyq etti. Músháıraǵa elimizdiń ár óńirinen 40 jasqa deıingi 30 aqyn qatysty. Dodada Amanjol Shámkenov atyndaǵy ar­naıy júlde Birjan Ahmerge, Muzafar Álimbaev atyndaǵy arnaıy júlde Aıdana Segiz­baevaǵa, júldeli 3-oryn Ol­jas Qasymǵa buıyrdy. Al 2-oryn­dy Aıbek Oralhan, 1-oryn­dy Juldyzaı Ysqaq alsa, bas júl­deni Alpysbaı Qonshy ıelendi.

О́leń oqylǵan óreli keshte Mádıdiń «Qarqaraly» jáne Jaıaý Musanyń «Aq sısa» ánderi shyrqalyp, kórermenin keremet áserge bóledi. Sonymen qatar S.To­raıǵyrov atyndaǵy ob­lys­tyq kitaphana men Buqar jyraý atyndaǵy Ádebıet jáne óner mý­zeıiniń qoryndaǵy aqynnyń ómiri men shyǵarmashylyǵyna qa­tysty kitaptar, jádigerler qoıylǵan mazmundy kórme uıym­dastyryldy.