Otanshyldyq asqaqtaıtyn jyl

Memlekettik rá­miz­derdi jappaı nasıhattaý ju­mys­taryn júrgizý – jaýapty is. Ulttyq rámizderdiń ıdeo­lo­gııa­lyq máni zor ekenin eskere otyryp, olardy barlyq deń­geıde dá­rip­tep, tanymaldyǵyn arttyrý maq­sa­tynda patrıotızmdi nasıhattaý jónindegi 2024 jylǵa arnalǵan ti­zim de bekitildi.

Mundaǵy basty maqsat – jastar­ǵa patrıo­tızm ıdeıasyn nasıhattaý, tarıhty, erlikti qasterlep, el tulǵa­la­ry­n asqaqtatý.

Halqymyzdyń áıgili perzentterine qur­met kórsetý – paryzymyz. Solardyń biri – memlekettik Týdyń avtory, sýretshi, dızaıner Sháken Nııazbekov. Bıyl Talǵat Musabaevtyń tuńǵysh ret memlekettik Týdy ǵaryshqa alyp ushqanyna 30 jyl tolady. Sondaı-aq jazýshy-pýblısıst, geraldıka salasynyń zertteýshisi Erbol Shaımerdenovtiń týǵany­na  – 70 jyl. Qazaqtyń áıgili keskin­demeshisi, grafık-sýretshi, beıneleý óneriniń negizin salý­shy­lar­dyń biri Ábilhan Qasteevtiń 100 jyldyq mereıtoıy.

Osyǵan oraı «Týymyz – tóri­miz­de» atty jalpyulttyq aksııa, jastardy patrıottyqqa baý­lý­dy kóksegen «Otandy súıý – júrekten» qanatqaqty jobasyn iske asyrýdy, «Jetis­ti­gim – táýel­siz­digimniń jetistigi» atty túr­li etnos ókilderiniń jastarmen kezdesýin uıym­dastyrýdy qolǵa aldyq. Memlekettik rámizder kúnine oraı «Kók týdyń jel­bi­regeni» atty patrıottar forýmyn, memlekettik Týdy salta­nat­ty kóterý rásimin, «Pat­rıotızm daýysy» arqyly memle­ket­tik Gımndi nasıhattaýdy, Sh.Nııazbekovti eske alýǵa arnalǵan sýretshiler arasynda shy­ǵarmashylyq baıqaý uıym­das­ty­rýdy josparlap otyrmyz.

Endi barlyq orta jáne arnaý­ly bilim berý mekemelerinde ár dúı­senbi bir ýaqytta mem­le­ket­tik Gımn oryndalady. Bilim berý mekemelerinde aptasyna bir ret patrıottyq rýhty dárip­teý­ge arnalǵan sabaq ótkiziledi. Bilim berý meke­me­le­rin­de­gi «Jas ulan» uıymdary úzdik oqýshylarǵa memlekettik Eltańba beınelengen tósbelgilerdi ta­bys­taıdy. «Týym – maq­ta­nyshym!» atty pat­rıot­tyq dıktant-konkýrs uıym­das­tyrylmaq.

Mádenıet salasyndaǵy mýzeı, kitap­hana, teatr, klýb, fılarmonııa, halyq shyǵar­ma­shy­lyǵy ortalyqtarynda memlekettik rámiz­derge arnalǵan júıeli pat­rıot­­tyq baǵytta is-sharalar ótkiziledi. Sonymen qa­tar telearnalar men radıo­larda «Memlekettik rá­mizder kúnin merekeleýdi qalaı jos­­parlap otyrsyz?» taqyry­byn­da blıs-saýalnamalar júrgizip,  áleýmettik jelilerde bir ýaqytta memlekettik Týdyń fotosyn jarııalap, «Týym – maqtanyshym!» jalpyulttyq chellendj ótkiziledi.

Ulttyq qundylyqtar ultty qur­metteýden bastalady. Ultty qurmetteý – barsha ulttyq qundylyqtardy dáripteý, qurmet kórsetý, saqtaý degen sóz. Al ultsyzdaný ultty, memle­ketti álsiretedi. Qoǵam damýyn tejeıdi. Bul – tarıhı shyn­dyq. Sondyqtan tarıh, zamana al­dyndaǵy uly synaq kezinde biz tańdaýymyzdy jasadyq. Álem­dik ozyq qundylyqtardy ıgere oty­ryp, ony ulttyq qundy­lyq­ta­rymyzben baıytý – jasampazdyqtyń joly.

Rýslan HAMZA,

Memlekettik rámizderdi nasıhattaý jónindegi ulttyq ortalyqtyń atqarýshy dırektory