Mádenıet jáne aqparat mınıstrligi qazirgi ýaqytta barlyq múddeli memlekettik organmen birlesip, Naýryz meıramyn toılaýdyń jańa tásilderin ázirlep jatqanyn málimdegen.
Mınıstrlik Tengrinews.kz-ke habarlaǵanyndaı, qujat talqylaý satysynda jáne osy jyldyń naýryz aıynyń basynda kópshilikke jarııalanady.
Qasym-Jomart Toqaev Egemen Qazaqstan-ǵa bergen suhbatynda tól merekemizdiń mazmunyn baıytyp, ony barynsha erekshelep, jańasha atap ótý kerek ekenin aıtqan bolatyn.
- Jańa jyl – árıne, kúntizbeniń jańa paraǵyn ashatyn mańyzdy meje. Osy sátte ótken jyldy qorytyndylap, keleshekke jospar qurý ádetke aınalǵan. Bir jaǵynan, Jańa jyl men úshin qasterli mereke emes. Onyń ústine, ózimizdiń tól jańa jylymyz – Áz Naýryzdy esten shyǵarmaǵan jón. Bul meıram – tirshilikti túlete keletin naǵyz tabıǵı jyl basy. Naýryz – jańarý men jańǵyrýdyń sımvoly. Sondyqtan tól merekemizdiń mazmunyn baıytyp, ony barynsha erekshelep, jańasha atap ótýimiz kerek. Bul qadam qoǵamdy uıystyryp, ulttyq biregeıligimizdi aıshyqtap, el birligin nyǵaıta túsýge yqpal etedi dep senemin, - degen edi Prezıdent.
