Atalǵan dodanyń shırek fınalynda ol rýmynııalyq Gabı Adrıano Boıtanodan basym tústi – 7:5, 7:6. Jartylaı fınalda Domınıkan Respýblıkasynyń ókili Roberto Sıd Sýverıge san soqtyrdy – 6:3, 4:6, 6:2. Fınalda ekvadorlyq Andres Andrademen ábden tiresti. Birinshi set Ońtústik Amerıka oıynshysynyń paıdasyna sheshildi. Ekinshisinde, Dmıtrıı 1:5 esebimen utylyp jatyp, keremet kambek jasady. Sol ekpinimen úshinshi setti de tabysty aıaqtady. Nátıjesinde, 3:6, 7:6 jáne 6:4 esebimen jeńiske jetken Popko AQSh-taǵy týrnırlerde qatarynan úshinshi márte bas júldeni oljalady.
О́kinishke qaraı, elimizdiń úzdik tennısshileri ótken aptany sátsiz aıaqtady. BAÁ-niń Dýbaı qalasynda uıymdastyrylǵan júlde qory 3 211 715 dollardy quraıtyn týrnırdi Elena Rybakına jap-jaqsy bastady. Alǵashqy aınalymda bos bolǵan otandasymyz ekinshi kezeńde álemniń burynǵy birinshi raketkasy, belarýstik Vıktorııa Azarenkony jolynan yǵystyrdy. Ile-shala WTA reıtınginde 53-orynda turǵan polshalyq Magdalena Frenhke qarsy oıynda 7:6, 3:6, 6:4 esebimen basym tústi. Shırek fınalda Rybakına álemniń 26 raketkasy ıtalııalyq Iаsmın Paolınmen kúsh synasýǵa tıis edi. Alaıda syn saǵatta densaýlyǵy syr berip, sonyń saldarynan Elena jarysty aıaqtaýǵa májbúr boldy.
Dohadaǵy ATR týrnıriniń bastapqy básekelerinde qarsylastaryn qapy qaldyrǵan Aleksandr Býblık shırek fınalda súrindi. Ol oıda-joqta Aýstralııanyń ókili Alekseı Popyrınge 4:6, 4:6 esebimen ese jiberdi. Osy kezdesýde jeńiske jetkende otandasymyz TOP-20 tennısshiniń qataryna enetin edi. Biraq Býblıkke ondaı baq buıyrmady. Taılandta óner kórsetip jatqan Jibek Qulambaeva da dál sol mejede jeńilistiń kermek dámin tatty. Qazaq qyzy belgııalyq Klara Vlasselardan jeńildi – 6:2, 4:6, 4:6.
Dýbaıda ATP-500 dodasynyń tusaýy kesildi. Bul jarysta Qazaqstannyń qos tennısshisi baq synap jatyr. Aleksandr Shevchenko alǵashqy aınalymda álemniń tórtinshi raketkasy reseılik Danııl Medvedevpen kúsh synasty. Al Aleksandr Býblık chehııalyq Tomash Mahachpen sheberlik baıqasty. BAÁ-degi týrnırdiń júlde qory 113 270 dollardy quraıdy.
