«Prezıdent Qasym-Jomart Toqaevtyń el jastaryna zor úmit artyp, memleket tarapynan jan-jaqty qoldaý kórsetilip jatqanyn sezinetin aýdan jastary ár salada belsendilik tanytyp keledi. О́tken jyly óńir jastarynyń teń jarymynyń belsene qatysýymen 130-ǵa jýyq túrli taqyrypta is-shara ótkizildi. Sondaı-aq 167 jas turaqty jumyspen qamtyldy», deıdi «Kegen aýdanynyń jastar resýrstyq ortalyǵynyń» jetekshisi Toǵjan Qanatqyzy.
Ortalyq jetekshisiniń aıtýynsha, «Dıplommen – aýylǵa!» jobasymen byltyr 78 maman 27 mln teńge kóterme járdemaqy alǵan. «Turǵyn úı satyp alýǵa beriletin nesıe boıynsha 30 jas mamanǵa 155 mln teńge nesıe berildi. Jastar eńbek jasaqtaryn uıymdastyrý tájirıbesi de utymdy jalǵasyp keledi. «Jasyl el» baǵdarlamasyn iske asyrý maqsatynda 45 jas jumysqa tartyldy. Munyń barlyǵy – jastarǵa jasalǵan qamqorlyqtyń aıqyn kórinisi, al eńseli ǵımarattyń esik ashýy qýanyshymyzdy tipten eseleı tústi», deıdi ol.
Aýdan jastarynyń mereıin asyryp, qýanyshyn tasytqan jaǵymdy jańalyq – aýdan ortalyǵy Kegen aýylynan boı kótergen «Jastar resýrstyq ortalyǵy» ǵımaratynyń paıdalanýǵa berilýi edi. Jalpy quny 260,1 mln teńgeni quraıtyn nysannyń lentasyn qııý rásimine Almaty oblysynyń ákimi Marat Sultanǵazıev qatysyp, aýdan jastarynyń aldaǵy isterine sáttilik tiledi.
Keń de sáýletti etip salynǵan ortalyqta jastar jumysqa ornalasý, óz kásibin bastaý, memlekettik baǵdarlamalar boıynsha keńes ala alady. Jańa alańda tegin bıznes-trenıng, sheberlik sabaǵy men kezdesý, kórme, úıirme jáne basqa da is-shara uıymdastyrý josparlanǵan.
Almaty oblysy
