Botanıkalyq baqty kúrdeli jóndeýden ótkizýge 300 000 000 teńge bólindi. Elimizde eki botanıkalyq baq bolsa, sonyń biri Petropavl qalasynda ornalasqan. 1800 sharshy metr aýmaqty alyp jatqan jylyjaıda álemniń ár qıyrynan ákelingen tropıkalyq, sýbtropıkalyq ósimdikterdiń 400-ge jýyq túri jaıqala ósip tur. Munda halyqaralyq “Qyzyl kitapqa” engen óte sırek dekoratıvti jasyl ósimdikter men aǵashtar da kezdesedi. Máselen, Vashıngton palmasy elimiz boıynsha osynda ǵana bar. Petropavl et-konservi kombınaty janynan qurylyp, alǵashqyda “Tabıǵat perzentteri” ekologııalyq ortalyǵy, keıin “Qyzyljar oranjereıasy” kásiporny bolyp atalsa da kópten beri kúrdeli jóndeý kórmegeni bilinip turatyn.
Jýyrda osynda oblys ákimi Serik Bilálov bolyp, “Jol kartasy” aıasynda atqarylyp jatqan jumystarmen tanysty. Baǵdarlama boıynsha 300 mıllıon teńge bólinip, qurylys brıgadalary iske jumyla kirisip ketken. Tropıkalyq saıabaqty aralap kórgen Serik Sultanǵazyuly bıiktigi tórt qabatty úıge para-par shyny kúmbezder, sýburqaqtar ornatylatynyn, aınalany kórkeıtýge 75 mıllıon teńge qarastyrylatynyn, basqa da sharalar atqarylatynyn, sóıtip, qala turǵyndary demalatyn saıaly orynǵa aınalatynyn jetkizdi. О́mir ESQALI. Soltústik Qazaqstan oblysy.
